Heggi iman-ik akken ilaq teẓẓalleḍ i Yahwa. Ḍleb i Yahwa a k-iɛiwen akken aţ-ţreṣṣiḍ lbal-ik ɣef wayen ara d-tiniḍ mačči ɣef wetqelleq i tetqellqeḍ. Meyyez mliḥ ɣef tiktiwin yellan d lsas ara d-tessefhmeḍ. Ini-d ayen i teţxemmimeḍ s imeslayen-ik kečč; ur d-ţɛawad ara kan i imeslayen akken i ten-tufiḍ ţwaketben di kra n tezmamt.

Heddeṛ seg wul. Xemmem acuɣer i glaq ad slen wid i k-d-yeţḥessisen i wayen ara d-tiniḍ. Reṣṣi lbal-ik fell-asen. Swakka, ifassen-ik, udem-ik d wamek ara tqeɛɛdeḍ iman-ik zdat- sen a d-sseknen belli seg wul-ik i d-theddṛeḍ yerna s leḥnana.

Ţmuqul wid i k-d-yeţḥessisen. Ţmuqul-iten ɣer wudem, ma mačči d lɛib anda i teţɛiciḍ. M’ara d-tqeddmeḍ lxeṭba, ţmuqul imeḥdaṛ yiwen yiwen, ur ten-ţmuqul ara akk ɣef tikkelt.