TIMEƔRI TIS 3
Amek ara tessexdameḍ isteqsiyen
Matta 16:13-16
ACU ARA TXEDMEḌ: Steqsay wid i k-d-yeţḥessisen s leqder akken a ten-tɛiwneḍ a d-ţţarran ddehn-nsen ɣer wayen i tesselmadeḍ, ad ţmeyyizen fell-as w’a d-tbeggneḍ daɣen ixemmimen yesɛan azal.
AMEK ARA TXEDMEḌ:
-
Ɛiwen wid i k-d-yeţḥessisen a d-ţţarran ddehn-nsen. Xtiṛ-ed isteqsiyen ara ten-iɛiwnen a d-afen leǧwab deg uqerru-nsen, neɣ ara ten-iɛiwnen ad nadin ad issinen leǧwab.
-
Ɛiwen wid i k-yeţḥessisen ad meyyzen ɣef kra n temsalt. Iwakken aţ-ţqennɛeḍ wid i k-d-yeţḥessisen, efk-ed kra n yesteqsiyen wa deffir wa, bac a d-iban akken ilaq lmeqsud n temsalt ara d-tessefhmeḍ.
-
Beggen-ed ixemmimen yesɛan azal. Uqbel a d-tbedreḍ kra n tikti yesɛan azal, efk-ed isteqsiyen ara iɛiwnen wid i k-d-yeţḥessisen a d-rren ddehn-nsen. M’ara d-tekfuḍ awal ɣef kra n tikti yesɛan azal neɣ m’ara tawḍeḍ ɣer taggara n wayen ara d-tqeddmeḍ, efk-ed kra n yesteqsiyen n wesmekti.