Ţţextiṛi timɛayin neɣ lemtul isehlen. Am Ɛisa, ssexdam leḥwayeǧ isehlen akk-d wayen i ssnen mliḥ medden bac a d-tessefhameḍ leḥwayeǧ iweɛṛen. Ur d-rennu ara ţfaṣil ur neṣliḥ ara, ara yessiweɛṛen akteṛ lemtel ara d-tefkeḍ. Efk-ed lemtel ara d-yessefhmen akken ilaq ayen i tebɣiḍ a t-tesselmdeḍ. Neɣ m’ulac, ur yeţţishil ara i wid i k-d-yeţḥessisen ad fehmen lmeqsud n lemtel-agi.

Xemmem ɣef wayen ara inefɛen wid i k-d-yeţḥessisen. Ţţextiṛi-d lemtul ţ-ţemɛayin ɛlaḥsab n lecɣal-nsen d wayen i ten-iceɣben. Uyerna, ur ilaq ara a ten-ssexlɛen neɣ a ten-ḥeccmen lemtul-agi.

Ur teţţu ara tikti yellan d lsas n wayen i tesselmadeḍ. Ţţextiṛi-d lemtul neɣ timɛayin ara d-yessefhmen ixemmimen yellan d lsas, mačči wid yellan d ţfaṣil imecṭuḥen. Ţţarra lbal-ik akken ad cfun wid i k-d-yeţḥessisen ɣef wayen ara d-lemden, mačči kan ɣef lemtel ara tessexdmeḍ.