“Barket Ameɣlal, a lmuluk yesɛan tazmert.”​—Ahellil 103:20

Acu i d-yeqqar Wedlis Iqedsen ɣef lmuluk?

• Yub 38:4-7

  Yahwa ixleq-ed lmuluk uqbel a d-yexleq lqaɛa.

• Aweḥḥi 5:11

  D imelyan n lmuluk i gellan.

• 1 Buṭrus 1:11, 12

  Lmuluk ţḥebbiṛen si zik ɣef lmeqsud n Yahwa yeɛnan lqaɛa.

• Luqa 15:10

  Lmuluk ţḥebbiṛen xilla ɣef iqeddacen n Ṛebbi.

“Lmelk n Umeɣlal iţɛassa ɣef wid i t-iţţagwaden, iţsellik-iten-id si teswiɛin iweɛṛen.”​—Ahellil 34:8

Amek i neẓra belli lmuluk zemren ad ɛiwnen imdanen?

• Laṣel n ddunit 19:15, 16; Danyil 6:23; Luqa 22:43; Lecɣal 12:6-11

  Lmuluk ɛawnen Luṭ, Danyil, Ɛisa akk-d Buṭrus.

• Iɛebṛaniyen 1:7, 14

  Yahwa issexdam lmalayekkat iwakken ad iɛiwen w’ad iḥareb ɣef iqeddacen-is i gellan di lqaɛa.

“Ur ɣ-iţɣurru ara Cciṭan, axaṭer nessen leɛzayem-is.”​—2 Ikurintiyen 2:11

Leǧnun, anwi-ten? Ayɣer i bɣan a ɣ-xedmen cceṛ?

• Aweḥḥi 12:9

  Yiwen n lmelk iɛuṣa Yahwa. Iţţusemma Cciṭan.

• Laṣel n ddunit 6:2

  Di zzman n Nuḥ kra n lmuluk ɛuṣan Ṛebbi yerna ṣubben-d ɣer lqaɛa.

• Matta 9:34

  Lmuluk-agi ddan akk-d Cciṭan dɣa uɣalen d leǧnun.

• Asmekti 18:10, 11

  Leǧnun ţnadin ad kellxen lɣaci yerna ssexdamen aṭas n ţţawilat akken a ten-ḍurren.

“Qamret Cciṭan, dɣa ad irwel mebɛid fell-awen.”​—Yeɛqub 4:7

D acu i glaq aţ-ţxedmeḍ bac a k-iɛiwen Yahwa aţ-ţqableḍ Cciṭan akk-d leǧnun?

• Lecɣal 19:19

  Ḍegger ayen akk icudden ɣer ssḥur d leǧnun d wayen akk i d-yessenɛaten lecɣal-agi amzun d llɛeb neɣ ur ţḍurrun ara.

• Ifasusiyen 6:16, 18

  Sseǧhed akteṛ liman-inek s leqraya n Wedlis Iqedsen, yerna ḍleb i Ṛebbi ad iḥareb fell-ak.

• Lemtul 18:10

  Ssexdem isem n Ṛebbi, Yahwa.