“Ţţaɣet-iyi awal, a wen-iliɣ d Illu-nwen, kwenwi a yi-tilim d agdud-iw.”​—Irmiya 7:23

Yezmer walbeɛḍ ad yuɣal d aḥbib n Ṛebbi?

• Laṣel n ddunit 22:18; Yeɛqub 2:23

  Abṛaham yuɣal d aḥbib n Yahwa axaṭer yuɣ-as awal, yerna yumen yis.

• 2 Amezruy 16:9

  Yahwa iţɛawan imdanen i s-iţţaɣen awal.

• Ihellilen 25:14; 32:8

  Yahwa yeţţak-ed lekyasa i leḥbab-is.

• Ahellil 55:23

  Yahwa yeţḥarab ɣef leḥbab-is.

“Deg wayagi meṛṛa, Yub ur idnib ara, ur ilumm ara Illu.”​—Yub 1:22

Amek i gjeṛṛeb Cciṭan Yub? Acu i gexdem Yub?

• Yub 1:10, 11

  Cciṭan yenna-d belli Yub yeţxemmim kan ɣef yiman-is yerna ur iḥemmel ara Ṛebbi.

• Yub 1:12-19; 2:7

  Ṛebbi iɛemmed i Cciṭan ad yekkes kullec i Yub, yerna Cciṭan iwwet-it s lehlak iweɛṛen.

• Yub 27:5

  Yub ur yeɛlim ara acuɣer yetmeḥḥen aṭas, meɛna yeqqim d unṣiḥ i Ṛebbi.

“Ayen akw yesɛa wemdan iţţak-it ɣef teṛwiḥt-is.”​—Yub 2:4

Amek yeţţeɛraḍ Cciṭan ad ihudd tadukli-nneɣ akk-d Yahwa?

• 2 Ikurintiyen 11:14

  Yeţţeɛraḍ a ɣ-ikellex bac a nɛaṣi Ṛebbi.

• Lemtul 24:10

  Yebɣa a nḥuss belli ur neswi acemma zdat n Yahwa.

• 1 Buṭrus 5:8

  Yesseɣlay-ed fell-aneɣ lehmum.

• Lemtul 27:11

  Qsed aţ-ţaɣeḍ awal i Yahwa, aţ-ţiliḍ d aḥbib-is w’a s-teqqimeḍ d unṣiḥ. Akka ara d-tbeggneḍ belli Cciṭan d akeddab.

“Leḥmala n Yillu, d aḥraz n lumuṛ-is.”​—1 Yuḥenna 5:3

Amek i tzemreḍ aţ-ţuɣaleḍ d aḥbib n Yahwa?

• Asmekti 6:5

  Sbeggen-ed leḥmala-k i Ṛebbi. D ayen ara k-iɛiwnen a s-taɣeḍ awal.

• Icɛaya 48:17, 18

  Ma teţţaɣeḍ awal i Yahwa, a k-ibarek.

• Asmekti 30:11-14

  Yahwa ur k-d-iṭṭalab ara ayen yellan d lmuḥal.

• Ifilibiyen 4:13

  Xdem lxiṛ. Yahwa a k-d-yefk lǧehd akken aţ-ţizmireḍ a t-txedmeḍ.