“Ar ɣur-ek i gella lɛinseṛ n tudert.”​—Ahellil 36:10

Amek ara d-nbeggen belli neţţak azal i tudert?

• Lecɣal 17:28; Aweḥḥi 4:11

  Tudert ţ-ţikci sɣur Yahwa. Ilaq a s-nefk azal.

• Tuffɣa 21:22, 23; Asmekti 5:17

  Timenɣiwt akk-d useɣli n tadist diri-ten.

• 1 Yuḥenna 3:11, 12, 15

  Lkeṛh diri-t.

• 2 Ikurintiyen 7:1

  A nexḍu i yir tannumi am tissit n dduxxan, ccemma neɣ lkif.

• Ahellil 11:5

  A nexḍu i yir zzhu akk-d waddal iţḍurrun.

“Axaṭer tudert n mkul lxelq, d idammen nni yellan deg-s.”​—At Lewwi 17:14

Amek i geḥseb Ṛebbi tudert akk-d idammen?

• Laṣel n ddunit 4:10; Asmekti 12:23

  Idammen ţmettilen-d tudert.

• Laṣel n ddunit 9:3, 4

  Nezmer a nečč aksum, meɛna mebla idammen.

• Lecɣal 15:28, 29; 21:25

  Ṛebbi yumeṛ-aɣ-d a nexḍu i idammen. Ihi imasiḥiyen ur qebblen ara idammen, ula deg udawi.

• Iɛebṛaniyen 11:6

  Tadukli-nneɣ akk-d Yahwa d ayen yesɛan azal ameqran di tudert-nneɣ.

“Idammen n Yasuɛ [...] ssizdigen-aɣ si mkul ddnub.”​—1 Yuḥenna 1:7

Acu ara ɣ-d-yawi wesfel n Ɛisa?

• At Lewwi 17:11

  Di zzman iɛeddan, mkul m’ara denben wat Isṛayil, zemren ad ḍelben ssmaḥ i Yahwa. Bac ad sfaydin si ssmaḥ-agi, ilaq-asen ad fken asfel si lmal-nsen. Lmuqeddem yesmaray ihi ciṭuḥ seg idammen n lmal-nni ɣef uɛalṭar n lemqam.

• Matta 20:28; Iɛebṛaniyen 9:11-14

  Ɛisa yefka tudert-is, neɣ idammen-is, d asfel akken ad ţwasemmḥen ddnubat-nneɣ. Swakka yemḥa lqanun n iseflawen n lmal.

• Yuḥenna 3:16

  Tudert n Ɛisa ɣlayet mliḥ: Yahwa yesseḥya-t-id, yerna s wesfel-agi, yefka-d tagniţ i lɛibad yeţţamnen yis ad ɛicen i lebda.