“Kerfeɣ tigwecrar zdat n Ubabat, iseg d-tebbwi isem mkul tawacult yellan ama deg igenwan, ama di lqaɛa.”​—Ifasusiyen 3:14, 15

Amek i tezmer twacult-ik aţ-ţili ţ-ţaseɛdit?

• Laṣel n ddunit 1:26-28

  Yahwa ixleq-ed tawacult tamezwarut.

• Ifasusiyen 5:1, 2

  Akken aţ-ţili twacult ţ-ţaseɛdit, ilaq iɛeggalen-is ad ɛanden Yahwa d Ɛisa.

“Mkul yiwen deg-wen ad iḥemmel akka tameṭṭut-is [...] Tameṭṭut aţ-ţqader argaz-is.”​—Ifasusiyen 5:33

Amek i glaq aţ-ţili ssira ger wergaz ţ-ţmeṭṭut-is?

• Ifasusiyen 5:22-29

  Ilaq i wergaz ad ilhu ţ-ţwacult-is. Ilaq ad iḥemmel tameṭṭut-is, neţţat a t-tɛiwen di leqrarat i geţţaṭṭaf.

• Ikulusiyen 3:19; 1 Buṭrus 3:4

  Ilaq ad iḥninen wway gar-asen yerna mkul yiwen ad yelhi d wayeḍ.

• 1 Buṭrus 3:1, 2, 7

  Ilaq ad ţţemqadaren wway gar-asen.

• 1 Timutawus 5:8; Titus 2:4, 5

  Ilaq argaz a d-yessis lmeḥwiǧat n twacult-is. Tameṭṭut ilaq a d-telhi d iɛeggalen n twacult-is akk-d wexxam-is.

“Ur sserfuyet ara arraw-nwen, lameɛna ssekret-ţen-id s ţṛebga akw-d leqraya n Ssid.”​—Ifasusiyen 6:4

Ɣef wacu i ţţuwekklen imawlan?

• Asmekti 6:4-9; Lemtul 22:6

  Ɛzel-ed lweqt akken aţ-ţɛiwneḍ dderya-k ad issinen Yahwa. Bdu m’ara ilin d imecṭaḥ. S ṣṣber, ɛiwen mkul yiwen seg-sen ad yuɣal d aḥbib n Yahwa.

• 1 Buṭrus 5:8

  Sselmed i dderya-k ad beɛden ɣef yemdanen i gebɣan ad kksen fell-asen sser, sselmed-asen daɣen ad ḥadren iman-nsen si lemḍerrat nniḍen.

• Irmiya 30:11; Iɛebṛaniyen 12:9-11

  Ṛebbi-d dderya-k, lameɛna mačči s leqseḥ neɣ s uqehher.

“A dderya, ţţaɣet awal i imawlan-nwen.”​—Ifasusiyen 6:1

Ayɣer i glaq aţ-ţeţţaɣem awal i imawlan-nwen?

• Lemtul 23:22-25; Ikulusiyen 3:20

  Ma teţţaɣem awal, Yahwa akk-d imawlan-nwen ad feṛḥen yis-wen.

• 1 Ikurintiyen 15:33

  Ma tesɛam leḥbab iḥemmlen Yahwa, a wen-yishil aţ-ţxedmem lxiṛ.