“Teḍyeq tebburt, iḥreṣ webrid yeţţawin ɣer tudert, yerna drus n wid i ţ-iţţafen.”​—Matta 7:14

Amek i neẓra belli Ṛebbi ur iqebbel ara ddyanat meṛṛa?

• Matta 7:21-23

  Ṛebbi ur iqebbel ara ddyanat meṛṛa axaṭer ur xeddment ara yakk lebɣi-s.

• Matta 7:13, 14

  Leɛbada n ṣṣeḥ teţţawi ɣer tudert n dayem. Ddin n lekdeb yeţţawi ɣer nnger n dayem.

• Matta 7:16, 17

  Tzemreḍ aţ-ţɛeqleḍ wid i geţɛebbiden Ṛebbi s ṣṣeḥ m’ara twaliḍ lefɛayel-nsen. Ur teḥwaǧeḍ ara aţ-ţissineḍ ddyanat meṛṛa. Ssenqad kan aselmed n Wedlis Iqedsen.

• 1 Itisalunikiyen 2:13; 2 Timutawus 3:16, 17

  Ţţamen yerna sselmad ḥaca ayen i d-yeqqar Wedlis Iqedsen.

• Matta 4:10; Yuḥenna 17:6

  Ţɛebbid Yahwa yerna ssexdam isem-is.

• Yuḥenna 13:35

  Ţḥibbi s ṣṣeḥ wiyaḍ.

• Yuḥenna 3:36; Lecɣal 4:12

  Ţţaɣ awal i Ɛisa. D neţţa i gextaṛ Ṛebbi bac a ɣ-isellek.

• Yuḥenna 18:36; Lecɣal 5:29

  Ur ggar ara iman-ik di tsertit (lbulitik).

• Matta 24:14; 6:10

  Sselmad belli ala Tagelda n Ṛebbi ara yefrun iɣeblan-nneɣ.

Ma tebɣiḍ ad iqbel Ṛebbi leɛbada-inek, d acu i glaqen a t-txedmeḍ?

• Yeɛqub 2:19

  Drus ma tenniḍ kan belli teţţamneḍ s Ṛebbi. Ilaq aţ-ţxedmeḍ ayen i d-yeqqar deg Wedlis Iqedsen.

• Icɛaya 52:11; Aweḥḥi 17:5

  Ddyanat n lekdeb s lǧemla, yeɛni “Babil tameqwrant”, sselmadent lekdubat; ɣef lemtel: Ṛebbi yebḍan ɣef tlata (Talut), taṛwiḥt ur neţmeţţat ara neɣ ǧahennama n tmes. Ɣef wannect-a, aṭas n lɛibad ur neţɛebbid ara Ṛebbi akken i gebɣa.

• Aweḥḥi 18:4, 8

  Qrib ad issenger Yahwa ddyanat n lekdeb. Ihi, ilaq aţ-ţexḍuḍ i wayen akk i gcudden ɣer leɛbada n lekdeb.

• Marqus 10:28-30

  Ahat kra n lɛibad a k-d-kkren d ixṣimen, lameɛna Yahwa ur k-iţţaǧǧa ara.