“Atnan waman. D acu ara y-iqeḍɛen ur ţwaɣḍaṣeɣ ara?”​—Lecɣal 8:36

Acimi i k-ilaq aţ-ţeţwaɣeḍṣeḍ, yerna amek?

Aɣḍaṣ yesbeggin-ed belli teǧǧiḍ tamɛict-ik n zik yerna tebdiḍ txeddmeḍ lebɣi n Ṛebbi.

• Matta 28:19, 20

  Iwakken aţ-ţqedceḍ ɣef Yahwa, ilzem aţ-ţeţwaɣeḍṣeḍ.

• Ahellil 40:9

  Aɣḍaṣ yesbeggin-ed i wiyaḍ belli tebɣiḍ aţ-ţqedceḍ ɣef Ṛebbi.

• Matta 3:16

  Am Ɛisa, ilaq lǧeţţa-k aţ-ţekcem s lekmal-is deg waman.

“Leḥmala n Yillu, d aḥraz n lumuṛ-is, yerna lumuṛ-is ur ẓẓayit ara.”​—1 Yuḥenna 5:3

Ayɣer ur ilaq ara aţ-ţkukruḍ aţ-ţbuddeḍ taṛwiḥt-ik i Yahwa?

• Ahellil 103:14; Icɛaya 41:10

  Ur teḥwaǧeḍ ara aţ-ţiliḍ tkemleḍ bac aţ-ţbuddeḍ taṛwiḥt-ik i Yahwa. A k-iɛiwen Yahwa aţ-ţxedmeḍ ayen yelhan.

• Ikulusiyen 1:10

  Leḥmala i tesɛiḍ i Yahwa a k-tɛiwen ma tugadeḍ a t-tesseḥzneḍ.

“Bɣiɣ ad xedmeɣ lebɣi-k, ay Illu-yiw! Ccariɛa-k tezdeɣ iẓuran n wul-iw.”​—Ahellil 40:9

D acu i glaq aţ-ţxedmeḍ akken aţ-ţbuddeḍ taṛwiḥt-ik i Yahwa?

• Yuḥenna 17:3

  SSENQED AWAL N ṚEBBI

  Lmed aţ-ţissineḍ Yahwa akk-d Ɛisa. Skud a ten-teţţissineḍ, skud a ten-tḥemmleḍ.

• Iɛebṛaniyen 11:6

  SSEǦHED LIMAN-IK

  Ssemɣer liman-ik di lewɛud n Ṛebbi akk-d wesfel n Ɛisa i gzemren a ɣ-isellek si ddnub d lmut.

• Lecɣal 3:19

  TUB

  Ndem seg wul ɣef lɣelṭat meṛṛa i txedmeḍ.

  UƔAL-ED (BEDDEL)

  Xḍu i yir tikli yerna xdem ayen yelhan.

• 1 Buṭrus 4:2

  BUDD TAṚWIḤT-IK I YAHWA

  Efk lweɛd i Yahwa, di tẓallit, belli d neţţa kan ara tɛebdeḍ yerna lebɣi-s ad yili d lḥaǧa yugaren akk tiyaḍ di tudert-ik.