Mmi-s n wemdan yusa-d akken “ad ifk tudert-is d lefdiya ɣef waṭas.”​—Matta 20:28

Acuɣer i neḥwaǧ lefdiya?

• Laṣel n ddunit 3:17-19

  Adam iɛuṣa Ṛebbi. Dɣa isṛuḥ tadukli ifazen i gesɛa yid-es, tudert-is ikemlen akk-d lǧennet anda i geţɛici.

• Iṛumaniyen 5:12

  Adam issenṭeḍ-aɣ-d ddnub d lmut.

• Ifasusiyen 1:7

  Lefdiya d ţţawil i gessexdem Ṛebbi akken a d-isellek imdanen si ddnub akk-d lmut.

“Illu iceggeɛ-ed Mmi-s awḥid ɣer ddunit, iwakken an-nidir yis.”​—1 Yuḥenna 4:9

Amek i d-ifka Yahwa lefdiya?

• Ahellil 49:7, 8

  Ulac yiwen seg-neɣ i gzemren a d-yeɣrem tudert i gesṛuḥ Adam.

• Luqa 1:35

  Yahwa iceggeɛ-ed Mmi-s ɣer lqaɛa. Ɛisa ilul-ed yekmel.

• Iṛumaniyen 3:23, 24; Iɛebṛaniyen 9:24

  Mi d-yeḥya Ɛisa, yuɣal s igenni dɣa iqeddem lefdiya i Yahwa, yeɛni ssuma i tesɛa tudert-is ikemlen.

“A sen-isfeḍ imeṭṭawen seg wallen-nsen, ur teţţuɣal ara a d-tili lmut.”​—Aweḥḥi 21:4

Anti lbaṛakat i tezmer a ɣ-d-tawi lefdiya?

• 1 Yuḥenna 1:8, 9

  Ssmaḥ n ddnubat-nneɣ.

• Iɛebṛaniyen 9:13, 14

  Lxaṭer yeṣfan akk-d lehna d Ṛebbi.

• Iṛumaniyen 6:23

  Asirem n tudert n dayem.

• Igalatiyen 2:20

  Lefdiya d ţţbut belli Yahwa akk-d Ɛisa ḥemmlen-aɣ.

Ṛebbi “ifka Mmi-s awḥid, iwakken kra n win yumnen yis [...] ad isɛu tudert n dayem.”​—Yuḥenna 3:16

Amek i nezmer a d-nesbeggen belli nesteɛṛef s lefdiya?

• Yuḥenna 17:3

  Ilaq a nissin Yahwa akk-d Ɛisa, w’a ten-nɛaned.

• Luqa 22:19

  Ilaq a neḥdeṛ i Wesmekti n lmut n Lmasiḥ yal aseggas.

• Yuḥenna 3:36; Yeɛqub 2:26

  Ilaq a nexdem ayen i ɣ-d-yeṭṭalab Ɛisa, mačči kan a neqqar numen yis.