“Wid yemmuten ur ẓrin acemma.”​—Amusnaw 9:5

Acu i gḍerrun m’ara nemmet?

• Ahellil 146:3, 4; Amusnaw 9:6, 10

  Win yemmuten ur yeţwali, ur isell, ur yeţxemmim.

• Yuḥenna 11:11-14

  Ɛisa imettel lmut ɣer yiḍeṣ (taguni).

“Si ttejṛa n tmusni n lxiṛ akw-d cceṛ, ur tţeţţeḍ ara, axaṭer asm’ara teččeḍ seg-s, aţ-ţemmteḍ.”​—Laṣel n ddunit 2:17

Ayɣer i neţmeţţat?

• Laṣel n ddunit 3:1-6

  Cciṭan iskaddeb i Ḥewwa ɣef wayen ara yeḍrun ma tɛuṣa Ṛebbi. Asmi i t-ɛuṣan, Adam d Ḥewwa denben, ɣer taggara mmuten.

• Laṣel n ddunit 3:19

  Adam yemmut: tekfa fell-as tudert.

• Iṛumaniyen 5:12

  Ddnub am lehlak iweɛṛen i ɣ-ssenṭḍen Adam d Ḥewwa. Akken ma nella nlul-ed d imednuben, daymi i neţmeţţat.

• 1 Ikurintiyen 15:26

  Adlis Iqedsen yenna-d belli lmut ţ-ţaɛdawt.

“Lemmer i d-iḥeggu wemdan m’ara yemmet, ad ṣebreɣ, [...] alamma d asm’ara d-kkreɣ.”​—Yub 14:14

Acuɣer i nezmer a d-nini belli tideţ ɣef lmut tessufuɣ ɣer tlelli?

• 1 Yuḥenna 4:8

  Aselmed n ǧahennama n tmes d ayen i greggmen Ṛebbi. D lmuḥal ad iɛemmed Yahwa ad yetmeḥḥen wemdan akkagi.

• Aweḥḥi 4:11

  Aṭas n lɣaci i geţţagaden lmeggtin. Ţɛebbiden-ten wala ad ɛebden Yahwa. Lameɛna Yahwa d Ṛebbi n ṣṣeḥ. Ḥaca neţţa i glaq a neɛbed.