“Tagelda-k a d-tas, lebɣi-k a d-iḍru di lqaɛa akken yeḍra deg igenwan.”​—Matta 6:9-13

D acu i ţ-ţagelda n Ṛebbi?

• Aweḥḥi 11:15

  Tagelda n Ṛebbi d lḥukuma i gellan deg igenni. Seg igenni aţ-ţeḥkem ɣef lqaɛa.

• 1 Timutawus 6:15

  Ɛisa d Agellid n Tgelda n Ṛebbi.

• Aweḥḥi 14:1, 4

  144 000 n yemdanen ad ḥekmen akk-d Ɛisa deg igenni.

• Iɛebṛaniyen 4:15; 5:8

  Ɛisa akk-d 144 000 fehhmen iɣeblan-nneɣ d wayen i neţḥussu.

“A d-isbeggen lḥeqq n igellilen.”​—Icɛaya 11:4

Acuɣer Ɛisa d Agellid yifen akk wiyaḍ?

• 1 Timutawus 6:16

  Lḥekkam meṛṛa n ddunit zemren ad mmten, lameɛna Ɛisa ur yeţmeţţat ara maḍi. Ayen akk ara yexdem i lfayda-nneɣ ad idum i dayem.

• Icɛaya 11:2-4

  Ɛisa yesɛa tazmert ad ixdem lxiṛ akteṛ n yal aneḥkam n ddunit. Iǧhed akteṛ n lḥekkam s lǧemla. D aḥeqqi yerna yeččuṛ d leḥmala.

“Illu n igenwan a d-issker yiwet n tgelda ur nɣelli ara, i dayem.”​—Danyil 2:44

D acu i texdem yakan Tgelda n Ṛebbi? D acu ara texdem ɣer zdat?

• Aweḥḥi 12:7-12

  Ɛisa yuɣal d Agellid deg useggas 1914. Ciṭuḥ n lweqt umbeɛd, iḍegger-ed Cciṭan seg igenni ɣer lqaɛa. Ɣef wayagi i llan wannect-a n iɣeblan d lemḥayen ɣef lqaɛa.

• Amusnaw 8:9; Aweḥḥi 16:16

  Di Harmagidun, Tagelda n Ṛebbi aţ-ţessenger lḥukumat akk n ddunit i gellan ţ-ţuqsiḥin yerna fesdent.

• Ahellil 37:10

  Ṛebbi ad issenger imdanen i gxeddmen cceṛ yerna ur nebɣi ara ad beddlen.

• Aweḥḥi 22:1-3

  M’ara teḥkem Tgelda n Ṛebbi ɣef lqaɛa, ulac win ara yaḍnen wala win ara yemmten. Imdanen meṛṛa ad ɛuzzen isem n Ṛebbi.