Teẓriḍ anta Tagelda (lḥukuma) iɣef ara d-​nehdeṛ?— Ih, ţ-​ţagelda n Ṛebbi, tin ara yerren lqaɛa d lǧennet. Tebɣiḍ aţ-​ţissineḍ akteṛ n leḥwayeǧ ɣef Tgelda-​yagi?—

Tigeldiwin meṛṛa sɛant agellid (sselṭan). Agellid, d win i gḥekmen ɣef lɣaci n tmurt-​is. Teẓriḍ anwa i d Agellid n Tgelda n Ṛebbi?— D Ɛisa Lmasiḥ. Yeţɛic deg igenni. Ur iţɛeṭṭil ara ad yuɣal d Agellid ɣef lɛibad meṛṛa n lqaɛa! Ar ɣur-​ek, a nefṛeḥ asm’ara yeḥkem Ɛisa ɣef lqaɛa meṛṛa?—

A nefṛeḥ mliḥ! Di Lǧennet, lɛibad ur ţɛawaden ara ad nnaɣen neɣ ad xedmen lgirra. Ad myeḥmalen meṛṛa. Yiwen ur ihellek, yiwen ur iţmeţţat. Iderɣalen ad ţwalin, iɛeẓẓugen ad sellen. Wid ur nezmir ara ass-​a ad lḥun ad uɣalen ad ţţazzalen w’ad ţneggizen. Lɛibad akken ma llan ad sɛun ayen ara ččen yerna s waṭas. Lḥiwan ad ilin di lehna ama wway gar-​asen ama yid-​neɣ. Lɛibad i gemmuten a d-​kkren. Ad ilin gar-​asen kra seg wid iɣef i d-​nehdeṛ di tektabt-​agi, am Ribka, Raḥab, Dawed akk-​d Ilya!  Tebɣiḍ a ten-​tissineḍ asm’ara d-​kkren si lmut?—

Yahwa iḥemmel-​ik, yebɣa aţ-​ţiliḍ tfeṛḥeḍ. Ma yella teţkemmileḍ teţnadiḍ a t-​tissineḍ yerna teţţaɣeḍ-​as awal, tzemreḍ aţ-​ţɛiceḍ i dima deg yiwet lǧennet icebḥen mliḥ! Tebɣiḍ annect-​a?—