Tesɛiḍ di leɛmeṛ-ik ger 23 d 65 n sna yerna aql-ak di leqdic n lweqt kamel? Ur k-yuɣ wara di ṣṣeḥḥa-k yerna tzemreḍ aţ-ţqedceḍ ɣef Yahwa anda i neḥwaǧ akteṛ n iberraḥen? Ma yella leǧwab-ik d “ih” ɣef yesteqsiyen-agi, yella wasmi i txemmeḍ aţ-ţɛemmṛeḍ lkaɣeḍ-nni ideg ara tḍelbeḍ aţ-ţekkiḍ deg Uɣerbaz n iberraḥen n Tgelda? Seg wasmi i gebda llakul-agi, d luluf n watmaten ţ-ţyessetmatin, ama d imezwaǧen ama d atmaten ţ-ţyessetmatin ur nezwiǧ ara, i gḍelben ad carken deg-s. Acu kan, mazal neḥwaǧ akteṛ atmaten ur nezwiǧ ara. Ḍleb ihi i Yahwa a k-iɛiwen aţ-ţebɣuḍ akteṛ a s-tɛeǧbeḍ w’aţ-ţeţɛanadeḍ Mmi-s. (Ahl 40:9; Mt 20:28; Ɛeb 10:7) Mbeɛd, meyyez ɣef wamek ara tessenqseḍ di lecɣal-ik nniḍen, ɣef lemtel amek ara d-telhiḍ d uxeddim-ik d umeṣruf-ik neɣ ɣef wamek ara tqableḍ lmeḥwiǧat n twacult-ik, akken aţ-ţkesbeḍ ccuruṭ ilezmen.

M’ara iţekki walbeɛḍ deg uɣerbaz-agi aṛebbani, acu n leṣnaf n leqdic i gezmer ad yeṭṭef mbeɛd? Kra ţţuceggaɛen ɣer imeḍqan anda i ţmeslayen lluɣat nniḍen, neɣ ɣer wanda yeţţili uberreḥ amxalef di temdinin timeqranin. Kra ţţuɣalen mbeɛd d imɛawnen n ineqqaden n tɣalayt (rezzun ɣef tjemmuyaɛ deg wemkan n ineqqaden), d ineqqaden n tɣalayt neɣ d imceggɛen. Meyyez ɣef leṣnaf-agi meṛṛa n leqdic testeqsiḍ iman-ik ma ɛnan-k lehduṛ-agi n Icɛaya i d-yennan: “Aql-i, ceggeɛ-iyi!”​—Icɛ 6:8.

FEṚṚEǦ BIDYU YEŢŢUSEMMAN LES MISSIONNAIRES : DES OUVRIERS DANS LA MOISSON, MBEƐD ǦAWEB-ED ƔEF YESTEQSIYEN-AGI:

• Amek i ţwaxtaṛen yemceggɛen?

• Acu n ccɣel igerrzen i xeddmen yemceggɛen?

• Ini-d d acu-tent kra si lbaṛakat i d-yeţţawi leqdic n wemceggeɛ.