M’ara tessufeɣ tuddsa n Yahwa albeɛḍ si tejmaɛt, d aḥareb i teţḥarab ɣef tejmaɛt yerna teţṛebbi amednub ur ntub ara. (1Kur 5:6, 11) Ma neţqadar ţṛebga i d-itekken sɣur Yahwa, d leḥmala i d-neţbeggin. Ɣas akken, asufeɣ si tejmaɛt yeţţawi-d leḥzen i wid akk i teɛna temsalt, ula i yeqriben akk-d wesqamu n lecyux i ţṛebga di tejmaɛt. Acuɣer ihi i nezmer a d-nini belli d leḥmala i d-neţbeggin ma neţqadar lqanun-agi?

Uqbel kullec, neţbeggin-ed leḥmala i yisem n Yahwa akk-d leqwanen-is yeɛnan ṣṣfawa. (1Buṭ 1:14-16) Neţbeggin-ed daɣen leḥmala i win akken i ssufɣen si tejmaɛt. Ɣas akken qerriḥet ţṛebga, meɛna ‘teţţawi-d lehna akw-d lewqam.’ (Ɛeb 12:5, 6, 11) Ma neţɛacaṛ albeɛḍ i ssufɣen si tejmaɛt, neɣ yettaxxṛen weḥd-es si tejmaɛt, neţḥeṛṛim-it si ţṛebga-yagi i d-ikkan sɣur Ṛebbi. Ur teţţu ara belli Yahwa yeţṛebbi “s lḥeqq” wid i t-yeţţeɛbaden. (Irm 30:11) Ma neţqadar ţṛebga-yagi yerna neţţaṭṭaf di leḥwayeǧ n ṛṛuḥ, nezmer a nessirem a d-yuɣal win idenben ɣer Baba-tneɣ yellan d Bab n ṛṛeḥma.​—Icɛ 1:16-18; 55:7.

FEṚṚEǦ BIDYU YEŢŢUSEMMAN A NEQQIM D UNṢIḤEN S WUL IKEMLEN, MBEƐD ǦAWEB-ED ƔEF YESTEQSIYEN-AGI:

• S wacu i ḥussen imawlan-agi imasiḥiyen mi walan mmi-tsen yeǧǧa Yahwa?

• Amek i tezmer aţ-ţɛiwen tejmaɛt iɛeggalen n twacult yeqqimen d unṣiḥen i Yahwa?

• Acu n lemtel yellan deg Wedlis Iqedsen i d-yeţbegginen belli ilaq a nili d unṣiḥen i Yahwa, uqbel tawacult-nneɣ?

• Amek ara nzeggir di nnṣaḥa i Yahwa uqbel nnṣaḥa i twacult-nneɣ?