ḤṚEC DI LEQDIC | SSEMƔER LFEṚḤ-IK M’ARA TEŢBERRIḤEḌ
Ssexdam dduzan n unadi
Yahwa yeţţak-aɣ-d dduzan ilaqen bac a nesɣaray akken ilaq: bidyuwat, tiwriqin n uberreḥ, tisɣunin, tireẓẓiyin, tiktabin akk-d Wedlis Iqedsen yellan d ţţawil amenzu (2Tim 3:16). Yeţţak-aɣ-d daɣen dduzan i unadi akken a ɣ-iɛiwen a d-nessefham Adlis Iqedsen: Watchtower Library, JW Library®, TAMKARḌIT DI INTERNET Watchtower akk-d Wemsaɛef n unadi i Inagan n Yahwa.
Aţ-ţafeḍ lfeṛḥ ameqran m’ara teţnadiḍ ɣef igerrujen n ṛṛuḥ yellan di tmusni-yagi ifazen i k-d-yeţţunefken. Sselmed akken ilaq i wid i tesɣarayeḍ amek ara ssexdamen dduzan-agi. Akka, ula d nutni ad feṛḥen m’ara ţţafen weḥḥed-sen leǧwab i yesteqsiyen-nsen yeɛnan Adlis Iqedsen.
FEṚṚEǦ BIDYU AKKEN A NAF LFEṚḤ M’ARA NEŢƐAWAN WIYAḌ AD UƔALEN D INELMADEN, ILAQ A NEQBEL LEMƐAWNA N YAHWA: DDUZAN N UNADI, MBEƐD ǦAWEB-ED ƔEF YESTEQSIYEN-AGI:
-
Acu-t westeqsi i d-tefka Lǧuheṛ ɣef wayen yeɛnan taxelqit?
-
Anda i d-tufa Nina lexbaṛat i ţ-iɛawnen akken a d-tessefhem tamsalt-agi?
-
Neţḥussu s lfeṛḥ m’ara naf igerrujen n ṛṛuḥ yerna nferreq-iten d wiyaḍ.
Amek i texdem Nina akken a d-textiṛ ayen ara iḥazen ul n Lǧuheṛ?
-
S wacu i tḥuss Nina mi tessexdem akken ilaq dduzan-nneɣ n unadi?
