Acḥal i nefṛeḥ imi i ɣ-d-teţţunefk yiwet n treẓẓit tajdiṭ akk-d yiwen wedlis ajdid akken a nesɣaray yis-sen Adlis Iqedsen! Netḥeqqeq belli Yahwa ad ibarek lmeǧhudat i nxeddem akken nɛiwen akteṛ n lɣaci ad uɣalen d inelmaden (Mt 28:18-20; 1Kur 3:6-9). Amek ara nessexdam tizmamin-agi tijdidin?

Adlis-agi yeţţusemman Aţ-ţɛiceḍ i dayem! d ţţawil ajdid i d-yeţţuheggan i tɣuri n Wedlis Iqedsen. Atan ihi wamek ara txedmeḍ akken aţ-ţheggiḍ iman-ik bac aţ-ţesseɣreḍ Adlis Iqedsen *.

• Ɣret-ed tiseddaṛin thedṛem ɣef yesteqsiyen i tent-yeɛnan.

• Ɣret-ed ifyar i d-yeţwaḍleb a d-teɣrem, mbeɛd ɛiwen win i tesselmadeḍ akken ad yefhem amek ara yessexdem ayen ara d-yelmed.

• Feṛṛǧet bidyuwat thedṛem fell-asent (ma ţţunefken-d yesteqsiyen yeɛnan bidyuwat-agi, ssexdmet-ţen).

• Mkul m’ara temlilem akken aţ-ţeɣrem, ɛerḍet aţ-ţessenqdem yiwet n tmeɣri s lekmal-is.

Deg uberreḥ, ɛreḍ qbel a s-teǧǧeḍ i win umi i theddṛeḍ tareẓẓit bac aţ-ţeẓreḍ ma yebɣa seg wul ad iɣer. (wali tasenduqt “ Amek ara s-teǧǧeḍ i walbeɛḍ tareẓẓit Aţ-ţɛiceḍ i dayem! m’ara t-temlileḍ i tikkelt tamezwarut”, deg usebter 16). M’ara tfakkeḍ yid-es taɣuri n treẓẓit-agi, ma yella win akken i tesselmadeḍ yebɣa ad ikemmel, eǧǧ-as adlis tkemmleḍ yid-es taɣuri si tmeɣri tis 04. Ma tesselmadeḍ yakan albeɛḍ s wedlis Acu yesselmad Wedlis Iqedsen neɣ Qqimet di leḥmala n Ṛebbi (neɣ s kra n tezmamt nniḍen), ɛeddi ɣer wedlis Aţ-ţɛiceḍ i dayem! twaliḍ ansi i glaq aţ-ţebduḍ yid-es.

FEṚṚEǦ BIDYU WALI AMEK ARA TEƔREḌ ADLIS IQEDSEN, MBEƐD ǦAWEB-ED ƔEF YESTEQSIYEN-AGI:

• D acu ara d-yeḥfeḍ unelmad s wedlis-agi ajdid?

• Acuɣer i glaq a s-nessken bidyu-yagi i win ara yebdun taɣuri?

• Amek ara tɛiwneḍ ciṭuḥ ciṭuḥ anelmad akken ad yesɛu lmeqsudat yerna ad yaweḍ ɣur-sen? (walit talwiḥt “ Asentel akk-d lmeqsudat n yal aḥric”).