Leḥmala d llesqa yesdukkulen tawacult. Ma ulac leḥmala, ad yiwɛiṛ ɣef iɛeggalen n twacult ad ddukklen w’ad ţţemɛawanen. Am wergaz, am tmeṭṭut-is, am dderya ilaq a d-ţbegginen leḥmala. Amek?

Argaz iḥemmlen tameṭṭut-is, yeţţarra ddehn-is ɣer lmeḥwiǧat n tmeṭṭut-is, yeţqadar ṛṛay-is akk-d lḥisas-is. (Fas 5:28, 29) Yessasay-ed lmeḥwiǧat n cci akk-d lmeḥwiǧat n ṛṛuḥ n twacult-is; yeţḥadar iwakken a d-tili leɛbada n twacult mkul smana. (1Tim 5:8) Tameṭṭut iḥemmlen argaz-is, ilaq a t-tḍuɛ w’a t-teţqadar. (Fas 5:22, 33; 1Buṭ 3:1-6) Am wergaz am tmeṭṭut, ilaq ad ţţemsamaḥen seg wul. (Fas 4:32) Imawlan yeččuṛen d leḥmala lehhun-d d mkul yiwen si dderya-nsen yerna sselmaden-asen ad ḥemmlen Yahwa. (Asm 6:6, 7; Fas 6:4) Acu-ten wuguren i ţqabalen warraw-nsen di llakul? Ţqabalen lḥerṣ n yemdukkal-nsen? M’ara tɛum leḥmala di twacult, mkul yiwen yeţḥussu s lehna akk-d ṭṭmana.

FEṚṚEǦ BIDYU BEGGNET-ED LEḤMALA YEŢDUMUN DI TWACULT-NWEN, MBEƐD ǦAWEB-ED ƔEF YESTEQSIYEN-AGI:

• Amek i gezmer wergaz yeččuṛen d leḥmala a d-yessasay lmakla i tmeṭṭut-is yerna a d-yeţţelhay yid-es?

• Amek i tezmer tmeṭṭut yeččuṛen d leḥmala a d-teţbeggin leqder i wergaz-is?

• Amek i zemren imawlan yeččuṛen d leḥmala ad sselmden Awal n Ṛebbi i dderya-nsen?