Imi neţɛici taggara n wussan ineggura, neẓra belli simmal nţeddu ɣer zdat, simmal liḥala n ddunit-agi aţ-ţiwɛiṛ. (2Tim 3:1; tirawt n tɣuri nwtsty-F n Mt 24:8) M’ara d-teɣli twaɣit ɣef iqeddacen n Yahwa, ţţunefkayen-asen lewṣayat i gzemren a ten-sellken yerna di lweqt ilaqen. Lameɛna, leslak-nneɣ di teswiɛin-agi yezmer ad icudd daɣen ɣer tiɣin-nneɣ n wawal i lewṣaya i d-yeqqaren belli ilaq a neţheggi iman-nneɣ si tura, ama di leḥwayeǧ n ṛṛuḥ, ama di leḥwayeǧ n cci.​—Lq 16:10.

• Di leḥwayeǧ n ṛṛuḥ: Sɛu tannumi yelhan. Issin aţ-ţessexdmeḍ leṣnaf yemxallafen n uberreḥ. Ur k-iţeffeɣ ara leɛqel ma yella teţwaɛezleḍ (tbeɛdeḍ) ciṭ lweqt ɣef watmaten n tejmaɛt-ik. (Icɛ 30:15) D lmuḥal aţ-ţbeɛdeḍ ɣef Yahwa neɣ ɣef Ɛisa.​—od-F 176 § 15-17.

• Di leḥwayeǧ n cci: Zzyada ɣef yeqraben n leslak, mkul axxam ilaq ad iheggi daɣen lmakla, aman, ddwa d wayen nniḍen ara ḥwiǧen iɛeggalen n twacult, ma yella terra-ten tmara ad kemnen (ad ţwaḥebsen) deg wexxam aṭas n lweqt.​—Lem 22:3; g17.5-F 4, 6.

FEṚṚEǦ BIDYU TWEǦDEḌ AKKEN AŢ-ŢQABLEḌ TIWAƔIYIN?, MBEƐD ǦAWEB-ED ƔEF YESTEQSIYEN-AGI:

• Amek ara nesseǧhed lɛalaqa-nneɣ d Yahwa akken a nili newǧed m’ara d-teɣli twaɣit?

• Ayɣer i gesɛa azal:

  • a nefk nimṛu n tilifun-nneɣ akk-d ladris-nneɣ i lecyux n tejmaɛt?

  • a nheggi aqrab n leslak?

  • a neɛlem s twaɣiyin i gzemren a d-ɣlint di lǧiha anda i nezdeɣ bac a nẓer amek i glaq a nexdem di yal tawaɣit?

• Efk-ed tlata n ţţawilat swayes i nezmer a nɛiwen atmaten ţ-ţyessetmatin-nneɣ i tḥuza twaɣit.

STEQSI IMAN-IK: “D acu i d-lemdeɣ si lehlak-agi n Covid-19 ɣef wazal i gesɛa usewǧed n yiman-nneɣ?”