ḤṚEC DI LEQDIC | SSEMƔER LFEṚḤ-IK M’ARA TEŢBERRIḤEḌ
Sselmad s leḥṛaṛa
Leḥṛaṛa teţţenṭaḍ; teţɛawan wid i d-iţḥessisen akken a d-rren ddehn-nsen yerna teţbeggin-ed belli neţţak lqima i lexbaṛ i neţberriḥ. Akken tebɣu tili ţṛebga-nneɣ, akken bɣunt ilint lɛaddat-nneɣ akk-d ccexṣiyya-nneɣ, nezmer akk a nelmed a d-neţbeggin leḥṛaṛa. (Ṛum 12:11) Amek?
Tamezwarut, xemmem ɣer lqima i gesɛa lexbaṛ i teţberriḥeḍ. Yeţţunefk-ak lɛezz aţ-ţberrḥeḍ lexbaṛ n lxiṛ! (Ṛum 10:15) Tis snat, meyyez ɣef lfaydat ara d-yawi lexbaṛ n lxiṛ i wid i k-d-yeţḥessisen. Ḥwaǧen s ṣṣeḥ ad slen i lexbaṛ i teţberriḥeḍ. (Ṛum 10:13, 14) Tis tlata, heddeṛ s leḥṛaṛa; yerna ayen yellan deg wul-ik, ilaq a d-iban ɣef wudem-ik akk-d wamek i teţḥerrikeḍ ifassen-ik.
FERREǦ BIDYU AKKEN A NAF LFEṚḤ M’ARA NEŢƐAWAN WIYAḌ AD UƔALEN D INELMADEN, ILAQ A NEḤṚEC AKTEṚ DEG USELMED: M’ARA NESSELMAD S LEḤṚAṚA, MBEƐD ǦAWEB-ED ƔEF YESTEQSIYEN-AGI:
-
D acu i s-yessenqsen leḥṛaṛa i Nina mi tesselmad Lǧuheṛ?
-
D acu i gɛawnen Nina akken a s-d-tuɣal leḥṛaṛa-ines?
-
Leḥṛaṛa teţţenṭaḍ
Ayɣer i glaq a neţţarra ddehn-nneɣ ɣer ṣṣifat n wid i nesselmad?
-
Acu n lateṛ i tezmer a d-teǧǧ leḥṛaṛa-nneɣ deg wiyaḍ, abeɛda deg wid umi i nesselmad Adlis Iqedsen?
