Imi ur nekmil ara, ilaq a neţnadi daymen a neḥkem di ccehwat-nneɣ. Ma neţţaǧǧa ccehwat-nneɣ ad ḥekment deg-neɣ, a nuɣal ur neţwaqbal ara sɣur Yahwa. Ɣef lemtel, kra ţţarran deg wemkan amezwaru ccehwat-nsen i lmakla, i llebsa neɣ i tnezduɣt, wala leḥmala-nsen i Ṛebbi. Kra nniḍen, ur ţqadaren ara leqwanen n Ṛebbi yeɛnan lɛalaqat ger wergaz ţ-ţmeṭṭut (Ṛum 1:26, 27). Llan daɣen wiyaḍ ţţaǧǧan lḥerṣ n yemdanen a ten-yeɣleb axaṭer bɣan a ten-ḥemmlen medden yerna a ten-qeblen (Tfɣ 23:2).

Amek i nezmer a neḥkem di ccehwat-nneɣ? Ma neţreṣṣi mliḥ lbal-nneɣ ɣef leḥwayeǧ n ṛṛuḥ (Mt 4:4). Nezmer daɣen a nḥellel Yahwa akken a ɣ-iɛiwen a neḥkem di ccehwat-nneɣ. Ayɣer? Axaṭer yessen d acu ara ɣ-inefɛen, yessen daɣen amek ara d-nesfaydi si ccehwat-nneɣ yelhan (Ahl 145:16).

FEṚṚEǦ BIDYU UR ŢŢAǦǦA ARA DDUXXAN AD YESSERƔ TUDERT-IK, MBEƐD ǦAWEB-ED ƔEF YESTEQSIYEN-AGI:

• Acuɣer i ḥemmlen kra ad keyyfen dduxxan?

• D acu i gezmer a k-yexdem dduxxan?

• Acuɣer i diri ma teţkeyyifeḍ? (2Kur 7:1).

• Amek ara txedmeḍ akken ur tbedduḍ ara akeyyef n dduxxan neɣ akken a t-tḥebseḍ?