Anelmad n Wedlis Iqedsen yebɣan ad yeɛǧeb i Ṛebbi, ilaq ad issiweḍ ad ikseb liman iǧehden (Ɛeb 11:6). Akken a nḥaz ul-is, nezmer a nessexdem adlis Aţ-ţɛiceḍ i dayem! Di tektabt-agi n tɣuri, aţ-ţafeḍ ifyar isɛan azal, ixemmimen isehlen i lefhama, isteqsiyen i d-yeţwaxtaṛen akken ilaq, bidyuwat yeţɛawanen i umeyyez akk-d ţţewṣifat icebḥen. Ma nɛawen win umi nesselmad Adlis Iqedsen ad yekseb ṣṣifat iwulmen i umasiḥi w’ad yuɣal d aḥbib n Ṛebbi, amzun nebna axxam s dduzan iǧehden w’ad yizmir ad iqabel times (1Kur 3:12-15).

Kra yewɛeṛ fell-asen a d-xaylen belli zemren ad uɣalen d iḥbiben n Ṛebbi axaṭer ur t-ţwalin ara. D nekni ihi iɣef i d-yewwi a ten-nɛiwen akken a t-issinen w’ad kesben liman.

FEṚṚEǦ BIDYU SSEXDAM ADLIS “AŢ-ŢƐICEḌ I DAYEM!” AKKEN AŢ-ŢƐIWNEḌ WID I TESSELMADEḌ AD BNUN LIMAN-NSEN DI YAHWA, MBEƐD ǦAWEB-ED ƔEF YESTEQSIYEN-AGI:

• D acu i d-yesskanayen belli weltma-tneɣ-agi thegga iman-is akken ilaq akken aţ-ţesselmed Adlis Iqedsen?

• Isteqsiyen n zzyada ɛawnen tameṭṭut-nni ilemmden akken a d-tini d acu i teţḥussu d wayen i teţxemmim ɣef Icɛaya 41:10, 13. Amek?

• Acu n lateṛ i d-ǧǧan yefyar n Wedlis Iqedsen akk-d bidyu-nni deg wul n tmeṭṭut-nni?

Aṭas n lɛibad ur nefhim ara d acu i d lefdiya neɣ ur ţ-neţwali ara ţ-ţukci sɣur Ṛebbi i mkul yiwen deg-sen (Gal 2:20). Ilaq ihi a ten-nɛiwen akken ad kesben liman deg wesfel n Ɛisa.

FEṚṚEǦ BIDYU SSEXDAM ADLIS “AŢ-ŢƐICEḌ I DAYEM!” AKKEN AŢ-ŢƐIWNEḌ WID I TESSELMADEḌ AD BNUN LIMAN-NSEN DI ƐISA, MBEƐD ǦAWEB-ED ƔEF YESTEQSIYEN-AGI:

• D acu i d-yesskanayen belli gma-tneɣ-agi ihegga iman-is akken ilaq akken ad yesselmed Adlis Iqedsen?

• Amek i gessexdem akken ilaq aḥric yeţţusemman “Tzemreḍ aţ-ţwaliḍ daɣen” ɛlaḥsab n wayen i geḥwaǧ win akken i gesselmad?

• Acuɣer i gesɛa mliḥ azal a neţẓalla d win umi i nesselmad Adlis Iqedsen, yerna neţţa daɣen ad yeţẓalla?