Di leqdic-is, Ɛisa yessexdem ayen iḍerrun yal ass akken ad yesselmed yis (Lq 13:1-5). Tzemreḍ ula d kečč aţ-ţessexdmeḍ ayen iḍerrun ussan-a akken aţ-ţɛiwneḍ lɣaci ad rren ddehn-nsen ɣer lexbaṛ n Tgelda. M’ara d-thedṛeḍ ɣef temsal yecban tigi: leɣla n wemɛic, tixessaṛin, ccwal, neɣ lkif, tzemreḍ umbeɛd a d-tefkeḍ asteqsi-yagi n umeyyez: “Ɛlaḥsab-ik, a d-yaweḍ wass ideg ara d-teḥdeṛ taggara n [bder-ed yiwet n ccedda]?”, neɣ “Ɛlaḥsab-ik, d acu ara yesseḥbsen [bder-ed yiwet n ccedda]?” Mbeɛd, ssken-as-d i win umi i teţberriḥeḍ afir icudden ɣer temsalt iɣef i theddṛem. Ma iɛǧeb-as wayen i s-d-tenniḍ, ssken-as-d yiwet n bidyu neɣ yiwet n tezmamt yellan di dduzan n uselmad. ‘A nxeddem ayagi meṛṛa ɣef ddemma n lexbaṛ n lxiṛ’ iwakken a nḥaz ulawen n lɣaci yeţɛicin deg wemḍiq anda i neţberriḥ (1Kur 9:22, 23).

Acu-tent temsal i gzemren ad ḥazent lɣaci yellan deg wemḍiq anda i teţberriḥeḍ kečč?