Ccedda, abeɛda ma tɛeṭṭel, tezmer a ɣ-tessefcel. Dawed yeẓra belli ccedda ideg i t-id-yesɛedda ugellid Cawul, a d-yaweḍ wass anda ara tekfu yerna, akken i s-t-yewɛed Yahwa, ad yuɣal d agellid (1Cam 16:13). D liman-is i t-iɛawnen ad yeṣber yerna ad yeṛǧu Yahwa a d-iger afus-is.

Ma neţɛeddi-d di ccedda, nezmer ahat a nessiweḍ a nwenneɛ liḥala-nneɣ ma neţḥadar, ma nessexdam leɛqel-nneɣ, neɣ ma neţmeyyiz (1Cam 21:12-14; Lem 1:4). Meɛna, kra n cceddat ad dument, xas ma nxeddem ayen akk umi nezmer ɛlaḥsab n imenzayen n Wedlis Iqedsen. Ilaq ihi a neṣber w’a neṛǧu Yahwa a d-iger afus-is. Ur yeţɛeṭṭil ara ad yekkes akk lemḥayen i nesɛedday yerna ‘ad isfeḍ imeṭṭawen seg wallen-nneɣ’ (Awe 21:4). Ama s lemɛawna n Yahwa, ama s ţţawil nniḍen, nezmer a netḥeqqeq s wayagi: mkul ccedda tettabaɛ-iţ-id talwit! Ayagi, d ayen i gzemren a ɣ-iṣebber.

FERREǦ BIDYU YEŢŢUSEMMAN UN PEUPLE UNI DANS UN MONDE DIVISÉ, MBEƐD ǦAWEB-ED ƔEF YESTEQSIYEN-AGI:

• Acu-tent cceddat i d-mmugren kra n imasiḥiyen di tama n wadda n tmurt n Marikan?

• Amek i d-sbeggnen ṣṣber akk-d leḥmala?

• D acu i d-isbeggnen belli reṣṣan tamuɣli-nsen ɣef leḥwayeǧ i gesɛan azal akteṛ? (Flb 1:10).