Aḥbib d win i tḥemmleḍ yerna teţqadareḍ-t axaṭer yesɛa ṣṣifat n lɛali. Asmi i genɣa Dawed Gulyat, Yunatan d Dawed uɣalen d leḥbab yerna teǧhed mliḥ lemḥibba gar-asen (1Cam 18:1). Mkul yiwen isbeggen-ed ṣṣifat i gɛeǧben i wayeḍ. D ṣṣeḥ, iwakken ad ilin sin d iḥbiben n ṣṣeḥ, ilaq ad myussanen mliḥ. Akken ad ssiwḍen ɣer wayagi, laqen lmeǧhudat akk-d lweqt. Acu kan, deg uẓeṭṭa n ucarek, nezmer a nesɛu “leḥbab” s lemɣawla. Meɛna di Internet, yezmer walbeɛḍ a d-iheggi swaswa ayen i gebɣa a t-id-yini yerna ad yefk udem n lɛali i yiman-is. Ɣef wayagi i geshel mliḥ fell-as ad yeffer menhu-t s ṣṣeḥ. Ihi, ilaq a nxemmem mliḥ menhu ara nextiṛ ad uɣalen d iḥbiben-nneɣ. Ma yeḍleb-ak-d walbeɛḍ ur tessineḍ ara mliḥ aţ-ţuɣaleḍ d aḥbib-is deg uẓeṭṭa n ucarek, ur ţţagad ara a t-tesseḥzneḍ m’ur teqbileḍ ara. Zdat n lemḍerrat swayes i gezmer a d-iglu uẓeṭṭa n ucarek, kra qesden ur t-ssexdamen ara maḍi. Meɛna, ma yella tebɣiḍ aţ-ţessexdmeḍ aẓeṭṭa n ucarek, ɣef wacu i glaq aţ-ţecfuḍ?

FERREǦ BIDYU AẒEṬṬA N UCAREK: ḤADER AŢ-ŢEŢWAKELLXEḌ!, MBEƐD ǦAWEB-ED ƔEF YESTEQSIYEN-AGI:

• Ɣef wacu i glaq aţ-ţxemmeḍ uqbel aţ-ţketbeḍ lḥaǧa deg uẓeṭṭa n ucarek neɣ uqbel aţ-ţceggɛeḍ ţţewṣifa?

• Acuɣer i glaq a neţḥadar m’ara neţţextiṛi leḥbab-nneɣ di Internet?

• Ayɣer i glaq a neţḥuddu lweqt ara nesɛedday deg uẓeṭṭa n ucarek? (Fas 5:15, 16).