Nesɛa ṛebɛa n bidyuwat i nezmer a nessexdem deg uberreḥ akken a neɛreḍ lɣaci ad bdun taɣuri n Wedlis Iqedsen. Deg wanti liḥalat i nezmer a tent-nessexdem?

• Bidyu Acuɣer i glaq a nɣer Adlis Iqedsen?​—Bidyu Taɣezfant teţwaxdem akken aţ-ţɛiwen lɣaci ad bɣun ad issinen Adlis Iqedsen, akken yebɣu yili ddin-nsen. Teţɛawan-iten a d-afen leǧwab i yesteqsiyen imeqranen yeɛnan tudert yerna tebder-ed kra seg wayen i gesselmad Wedlis Iqedsen. Tessefham-ed daɣen amek i nezmer a neḍleb taɣuri n Wedlis Iqedsen.

• Bidyu Acuɣer i glaq a nɣer Adlis Iqedsen? kifkif-iţ akk-d tmezwarut, meɛna wezzilet mliḥ. Telha deg imukan anda lɣaci ur sɛin ara lweqt.

• Bidyu Amek i nesɣaray Adlis Iqedsen i wiyaḍ? teţwaxdem akken a d-tejbed ddehn n lɣaci bac ad ɣren Adlis Iqedsen baṭel. Teţǧawab-ed ɣef yesteqsiyen yeɛnan taɣuri n Wedlis Iqedsen, ɣef lemtel, amek ara xedmen bac ad ḍelben yiwet n tɣuri.

• Bidyu Wali amek ara teɣreḍ Adlis Iqedsen teţwaxdem i win yebdan yakan taɣuri n Wedlis Iqedsen. Tesskanay-ed ciṭuḥ si tektabt Aţ-ţɛiceḍ i dayem!, tessefham-ed daɣen amek i teţţili tɣuri. Xas akken bidyu-yagi tella di tektabt Aţ-ţɛiceḍ i dayem! (asebter 2), tzemreḍ daɣen a ţ-tessekneḍ m’ara tesselmadeḍ albeɛḍ s treẓẓit Aţ-ţɛiceḍ i dayem!

Mkul yiwet si bidyuwat-agi tesɛa lmeqsud-is, meɛna nezmer a nessken neɣ a nceggeɛ tin i nebɣa i lɣaci di lweqt iwulmen. Ilaq ad issinen mliḥ iberraḥen bidyuwat-agi bac ad izmiren a tent-ssexdmen deg uberreḥ.