TAMƐICT TAMASIḤIT
Amek i nezmer a nɛiwen wid i tḥuza twaɣit?
Ass-agi tibuciḍanin akk-d twaɣiyin simmal ţzidint. M’ara d-teḍru twaɣit, ilaq-asen i watmaten i gţekkin di leqdic n usellek a d-heggin kullec s nniḍam. Daymi i gesbedd Wesqamu amwellah di Bitilat meṛṛa, yiwen n lbiru n leqdic n usellek.
M’ara d-teḍru twaɣit deg yiwen wemkan, iɛeggalen n lbiru-yagi, ssawalen s lemɣawla i lecyux n tjemmuyaɛ i tḥuza twaɣit-nni, akken ad issinen lmeḥwiǧat n iberraḥen. Ma tegla-d twaɣit-agi s waṭas n lexsaṛat yerna iberraḥen n wemkan-nni ur zmiren ara a tent-ṣeggmen weḥḥed-sen, Bitil ad iwekkel atmaten nniḍen akken ad wellhen lemɛawna ara yeţţunefken i wid i tḥuza twaɣit. Atmaten-agi zemren ad ssiwlen i iwaziwen, neɣ ad ḍelben dduzan ara ḥwiǧen, zemren daɣen a d-aɣen lmakla d leḥwayeǧ nniḍen ara ferqen i watmaten ţ-ţyessetmatin yellan dinna.
Ma nettabaɛ lewṣayat n watmaten-agi yerna ur nxeddem ara akken i nebɣa nekni, dayen ara d-yawin aṭas n lfaydat. Ɣef lemtel, ur neţɛawad ara i ccɣel i geţwaxedmen yakan, yerna ur neţḍeggiɛ ara idrimen neɣ dduzan.
Atmaten-nni i gwekkel Bitil, ad ḥesben acḥal n yedrimen akk-d iwaziwen ara ilaqen. Zemren ad mlilen daɣen akk-d yemḍebbren n temdint-nni bac a ɣ-ɛiwnen ad yeţwaxdem leqdic-nneɣ s lemɣawla. Ihi, ur d-jemmeɛ ara idrimen, ur ţceggiɛ ara dduzan n lemɛawna, yerna ur ţṛuḥu ara ɣer wemkan anda i d-teḍra twaɣit, ḥaca ma yeţwaḍleb-ak-d.
Meɛna nebɣa a nexdem lxiṛ (Ɛeb 13:16). Nḥemmel atmaten ţ-ţyessetmatin-nneɣ! Ihi, d acu i nezmer a nexdem? Ayen isɛan akk azal, ţ-ţaẓallit. Nezmer a neẓẓall ɣef ddemma n watmaten i tḥuza twaɣit akk-d wid i ten-yeţɛawanen. Nezmer daɣen a nefk tukciwin i uselmed n Wedlis Iqedsen di ddunit meṛṛa. D Bitilat, i geţwellih Wesqamu amwellah, i geẓran xiṛ-nneɣ amek ara ssexdmen tukciwin-agi. Ɣer taggara, ma nebɣa a nili d iwaziwen nezmer a nɛemmeṛ tawriqt yeţţusemman Demande d’admission comme volontaire local de développement-construction (DC-50).
FEṚṚEǦ BIDYU IḤEMMALEN N WAMAN DI BRIZIL, MBEƐD ǦAWEB-ED ƔEF WESTEQSI-YAGI:
D acu i k-issewhmen di lemɛawna i fkan Inagan n Yahwa i watmaten-nsen n Brizil, i gḥuza uḥemmal n waman di 2020?
