D acu i teţṛaǧuḍ sɣur weḥbib? Bla ccekk teţţakeḍ azal i nnṣaḥa, leḥnana akk-d ssxaya. Yahwa yesɛa ṣṣifat-agi meṛṛa. (Tfɣ 34:6; Lcɣ 14:17) M’ara teţẓallaḍ, yeţḥessis-ak-d. Mkul m’ara t-teḥwiǧeḍ, yeţţak-ak-d afus n lemɛawna. (Ahl 18:20, 36) Zzyada ɣef wannect-a, yeţsamaḥ ddnubat-ik. (1Yn 1:9) Ṣṣeḥ, ṣṣeḥ, ulac aḥbib i t-yifen!

Amek i tzemreḍ aţ-ţuɣaleḍ d aḥbib n Yahwa? Qqar Awal-is akken a t-tissineḍ. Ḥekku-yas lbaḍnat yellan deg wul-ik. (Ahl 62:9; 142:3) Ţbeggin-ed belli teţţakeḍ lqima i wayen umi i geţţak lqima, ɣef lemtel i Mmi-s, i Tgelda-s akk-d lewɛud-is yeɛnan ayen i ɣ-yeţṛaǧun ɣer zdat. Heddeṛ fell-as. (Asm 32:3) Ma tesɛiḍ tadukli iǧehden akk-d Yahwa, ad yuɣal d aḥbib-ik i dayem.​—Ahl 73:25, 26, 28.

FEṚṚEǦ BIDYU YEŢŢUSEMMAN “JEUNES, « GOÛTEZ ET VOYEZ QUE JÉHOVAH EST BON »”, MBEƐD ǦAWEB-ED ƔEF YESTEQSIYEN-AGI:

• Amek i tzemreḍ aţ-ţheggiḍ iman-ik bac aţ-ţbuddeḍ iman-ik i Yahwa w’aţ-ţeţwaɣeḍṣeḍ?

• Amek i zemren iɛeggalen n tejmaɛt-ik a k-ɛiwnen akken aţ-ţqedceḍ ɣef Yahwa?

• Amek i gesseǧhad uberreḥ lɛalaqa-nneɣ akk-d Yahwa?

• Acu n leṣnaf n leqdic i tzemreḍ aţ-ţeṭṭfeḍ?

• D acu i teţḥibbiḍ ɣer Yahwa?