Ɛisa ibecceṛ lexbaṛ n lxiṛ yeɛnan ‘Tagelda n Ṛebbi.’ (Lq 4:43) Yesselmed daɣen i lɣaci akken ad ţẓallan ɣef Tgelda-yagi. (Mt 6:9, 10) Di ccheṛ n wambeṛ, a nberreḥ ɣef Tgelda n Ṛebbi akteṛ n wakken i nennum neţberriḥ. (Mt 24:14) Ɛzel-ed lweqt iwakken aţ-ţekkiḍ di leqdic-agi amxalef. Di ccheṛ-agi, inaramen imɛawnen zemren ad berrḥen 30 neɣ 50 n sswayeɛ.

Kra n win ara d-temmagreḍ deg uberreḥ, ɣer-as-d yiwen wafir ɣef Tgelda n Ṛebbi. Heggi-d ifyar iwulmen i lɣaci izedɣen deg wemkan anda i teţberriḥeḍ, ɛlaḥsab n ddin-nsen. Ma iɛǧeb wayen i tenniḍ i walbeɛḍ i d-temlaleḍ tikkelt tamezwarut, efk-as Lbeṛǧ n Tɛessast, uṭṭun wis 2 n 2020. Mbeɛd, rzu fell-as bihfih tɛerḍeḍ aţ-ţebduḍ yid-es taɣuri n Wedlis Iqedsen s yiwet ger tezmamin yellan di dduzan-nneɣ n uselmad. Cwiṭ kan n lweqt i d-yeqqimen uqbel “aţ-ţemḥeq” Tgelda n Ṛebbi lḥukumat meṛṛa yugin ad uɣalent ddaw leɛnaya-s. (Dan 2:44; 1Kur 15:24, 25) Ihi, ilaq a nfareṣ tagniţ-agi tamxaleft akken a d-nessken nnṣaḥa-nneɣ i Yahwa akk-d Tgelda-ines!