ACUƔER I GESƐA AZAL: Aberreḥ s tilifun * d yiwen ger ţţawilat yesɛan azal swayes i neţbecciṛ lexbaṛ n lxiṛ. (Lcɣ 20:24) Yeţɛawan-aɣ akken a nberreḥ i lɣaci m’ur nezmir ara a ten-nemlil qbala.

AMEK ARA TXEDMEḌ:

• Heggi iman-ik. Xtiṛ-ed tamsalt iɣef ara thedṛeḍ, i gceɣben ṭṭaqqa n lɣaci, theggiḍ-d ɣef lkaɣeḍ d acu ara d-tiniḍ. Heggi-d, s kra kan n imeslayen, d acu ara d-tiniḍ iwakken a d-tessefhmeḍ iwacu i tessawleḍ, ma ulac win i k-d-yerran yerna yeţţuseǧǧel usiwel-inek. Yelha daɣen aţ-ţeqqimeḍ ɣer ṭṭabla w’a d-tesserseḍ lkaɣeḍ-nni iɣef i d-theggaḍ ayen ara d-tiniḍ, d wayen akk iwulmen; ldi-d daɣen JW Library^® neɣ asmel jw.org^®.

• Ili-k tennecṛaḥeḍ. Hdeṛ akken i theddṛeḍ kul ass. Ţţecmumuḥ yerna ţḥerrik ifassen-ik amzun zdat-ek i gella win umi i theddṛeḍ. Ur ḥebbes ara lhedṛa, ḥaca ma d asteqsi i t-testeqsaḍ. Yelha daɣen ma ţeţberriḥeḍ s tilifun akk-d iberraḥen nniḍen. M’ara k-id-yesteqsi win umi i theddṛeḍ, ɛiwed-as-d i westeqsi-nni s ṣṣut ɛlayen akken a s-d-isel win ukud i teţberriḥeḍ, bac a k-iɛiwen a d-tafeḍ leǧwab.

• Ssewǧed win umi i tessawleḍ i tmerziwt nniḍen. Ma yefka-yak-d tameẓẓuɣt win umi i theddṛeḍ, tzemreḍ a s-teǧǧeḍ asteqsi iɣef ara s-tǧawbeḍ m’ara s-tɛiwdeḍ asiwel. Tzemreḍ daɣen a s-tawiḍ yiwet n tezmamt ma yebɣa, neɣ a s-ţ-tceggɛeḍ s e-mail neɣ di tebṛaţ. Ma yebɣa, tzemreḍ daɣen a s-tceggɛeḍ bidyu neɣ tazmamt s umiṣaj neɣ s e-mail, neɣ a s-tiniḍ ad iwali kra n tezmamt yellan deg wesmel-nneɣ n Internet.