Ma d ilemẓi amasiḥi i telliḍ neɣ d anelmad n Wedlis Iqedsen, tesɛiḍ lmeqsud aţ-ţeţwaɣeḍṣeḍ? D acu i glaqen a k-idemmer aţ-ţeţwaɣeḍṣeḍ? M’ara nbudd iman-nneɣ i Yahwa yerna neţwaɣḍeṣ, a nesɛu lɛalaqat iǧehden mliḥ akk-d Baba-tneɣ n igenwan. (Ahl 91:1) Uyerna, d ayagi ara ɣ-isellken. (1Buṭ 3:21) Amek ihi ara tkemmleḍ tikli ɣer zdat, deg webrid-agi yeţţawin ɣer weɣḍaṣ?

Qenneɛ iman-ik belli di tideţ i telliḍ. M’ara tesɛuḍ isteqsiyen, nadi a d-tafeḍ leǧwab. (Ṛum 12:2) Meyyez ɣef wayen i glaqen a t-tbeddleḍ di temɛict-ik, akken aţ-ţɛeǧbeḍ i Yahwa. (Lem 27:11; Fas 4:23, 24) Ṭṭalab daymen i Yahwa di tẓallit akken a k-iɛiwen. Ili-k tetḥeqqeḍ belli a k-iɛiwen s tezmert n ṛṛuḥ-is iqedsen. (1Buṭ 5:10, 11) Yesɛa azal ma nexdem lmeǧhudat-agi meṛṛa axaṭer ulac lxetyaṛ yifen leqrar ara neṭṭef akken a neqdec ɣef Yahwa tudert-nneɣ kamel!​—Ahl 16:11.

FEṚṚEǦ BIDYU YEŢŢUSEMMAN LE CHEMIN MENANT AU BAPTÊME, MBEƐD ǦAWEB-ED ƔEF YESTEQSIYEN-AGI:

• Acu-ten wuguren i qublen kra akken ad ssiwḍen ad ţwaɣeḍṣen?

• Amek ara tessemɣreḍ deg wul-ik liman ara k-iɛiwnen aţ-ţbuddeḍ iman-ik i Yahwa?

• D acu i gdemmren kra akken ad nnernin armi i ssawḍen ţwaɣeḍṣen?

• Amek i geţbarak Yahwa wid yextaṛen ad qedcen fell-as?

• Acu i d lmeɛna-s “a nbudd iman-nneɣ i Yahwa w’a neţwaɣḍeṣ”?