Yahwa yeţţak leqder d ameqran i lemɛahda n zzwaǧ. Yenna-d belli argaz ilaq ad ilseq ɣer tmeṭṭut-is. (Mt 19:5, 6) Ger iqeddacen n Ṛebbi, llan waṭas n imezwaǧen i ɣ-d-yeǧǧan lemtel n lɛali. Acu kan, ulac zzwaǧ ikemlen. Akken ibɣu yili, ɣellint-ed cceddat. Lameɛna, ur ilaq ara a nesɛu lɛeqliya n ddunit-agi: ur ilaq ara a s-neqqar belli d beṭṭu neɣ d berru i ţ-ţifrat i iɣeblan i d-ţmagaren imezwaǧen. Amek i zemren imasiḥiyen izewǧen ad ḥarben ɣef zzwaǧ-nsen?

Atentah xemsa n lewṣayat yesɛan azal:

1. Ḥarbet ɣef wulawen-nwen texḍum i wayen akk i gzemren ad yili d zzhu ifesden, neɣ d aḍmaɛ n win ur nelli ara d amezwaǧ-nwen. Leḥwayeǧ-agi meṛṛa ţţarrant zzwaǧ d ameɛlal.​—Mt 5:28; 2Buṭ 2:14.

2. Sseǧhdet tadukli-nwen d Ṛebbi txedmem daɣen lmeǧhud akken a s-yeɛǧeb zzwaǧ-nwen.​—Ahl 97:10.

3. Ţlusut daymen ṭṭbiɛa tajdiṭ; xeddmet leḥwayeǧ swayes ara d-teţbegginem lehhu i umezwaǧ-nwen, akken aţ-ţifsus temɛict-nwen.​—Kul 3:8-10, 12-14.

4. Heddṛet daymen s wawal aẓidan yerna s leqder ameqran.​—Kul 4:6.

5. Mkul yiwen ad yefk i wayeḍ ‘ayen i s-yeţţalas’ s leḥmala d leḥnana.​—1Kur 7:3, 4; 10:24.

M’ara ţɛuzzun imasiḥiyen zzwaǧ-nsen, ţɛuzzun Yahwa, Win i gesbedden zzwaǧ.

FEṚṚEǦ BIDYU YEŢŢUSEMMAN NOUS DEVONS « COURIR AVEC ENDURANCE »​— OBÉISSONS AUX RÈGLES DE LA COURSE, MBEƐD ǦAWEB-ED ƔEF YESTEQSIYEN-AGI:

• Ɣas akken tamɛict n zzwaǧ tbeddu s wayen yelhan, acu n cceddat i gzemren a d-banent mbeɛd?

• Acu-ten imenzayen n Wedlis Iqedsen i gzemren ad ɛiwnen wid i geţḥussun amzun ulac leḥmala di zzwaǧ-nsen?

• Acu n leqwanen i gesbedd Yahwa deg wayen yeɛnan zzwaǧ?

• D acu i glaq ad xedmen imezwaǧen akken ad ɛicen s ṣṣeḥ di lfeṛḥ di zzwaǧ-nsen?