Acuɣer i nḥemmel akk annect-a igrawen-nneɣ n temnaṭ? Axaṭer, am zzman n Isṛayil n zik, inejmuɛen-agi n mkul aseggas, ţţaken-aɣ tagniţ akken a neɛbed Yahwa akk-d imeyyaten neɣ d luluf n iqeddacen nniḍen n Ṛebbi. Yerna, teţṣaḥ-aɣ-d lmakla n ṛṛuḥ ack-iţ. Nesɛedday daɣen tiswiɛin ack-itent ţ-ţwaculin-nneɣ d leḥbab-nneɣ. D ayagi meṛṛa i ɣ-yeţţawin a nḥeddeṛ i tlata wussan n wegraw.

M’ara d-ḥedṛen yegrawen-agi, ilaq a neţxemmim ɣef wayen ara d-nesfaydi seg-sen, meɛna a neţxemmim daɣen ɣef wamek i nezmer a d-nesbeggin leḥmala-nneɣ i wiyaḍ. (Gal 6:10; Ɛeb 10:24, 25) Neţbeggin-ed belli neţmuqul nnfeɛ n wiyaḍ, ɣef lemtel, m’ara s-d-neṭṭef tawwurt i gma-tneɣ neɣ i weltma-tneɣ akken ad iɛeddi, neɣ m’ara d-neţţaṭṭaf imukan kan i neḥwaǧ. (Flb 2:3, 4) Ţɛawanen-aɣ daɣen yegrawen akken a nesɛu leḥbab ijdiden. Nezmer ahat a nnadi a nissin albeɛḍ uqbel neɣ m’ara ifakk unejmuɛ, neɣ m’ara d-yeḥdeṛ lawan n westeɛfu i imekli. (2Kur 6:13) Wid ara yuɣalen d leḥbab-nneɣ deg yegrawen-agi, zemren ad qqimen d leḥbab ṭṭul n leɛmeṛ-nneɣ! Zzyada ɣef wayagi meṛṛa, m’ara d-walin wiyaḍ leḥmala yecban tagi, zemren ad uɣalen d iqeddacen n Yahwa ɣer tama-nneɣ.​—Yuḥenna 13:35.

FEṚṚEǦ BIDYU YEŢŢUSEMMAN LES ASSEMBLÉES INTERNATIONALES « L’AMOUR NE DISPARAÎT JAMAIS ! », MBEƐD ǦAWEB-ED ƔEF YESTEQSIYEN-AGI:

• Amek i d-teţţubeggen leḥmala i wid iḥedṛen i wegraw agraɣlan n 2019?

• Deg wacu i tessewham tdukli d leḥmala yellan ger iqeddacen n Yahwa?

• Acu-tent ṣṣifat icudden ɣer leḥmala tamasiḥit iɣef i d-hedṛen iɛeggalen n Wesqamu amwellah?

• Amek i d-tufrar leḥmala tamasiḥit di Lalman akk-d Kurya n Wadda?

• Ɣer wacu i glaq a nili neqsed?