Acu i d amennuɣ-inek n yal ass? D aqerru n twacult i telliḍ yerna teţţazzaleḍ akken a tent-tid-teṭṭfeḍ irkelli? Teţqabaleḍ weḥd-ek tawacult-ik yerna yewɛeṛ fell-ak a d-tessisseḍ amɛic? Teqqareḍ di llakul yerna teţqabaleḍ lḥerṣ n yemdukkal-ik? Tesɛiḍ uguren di ṣṣeḥḥa-k neɣ teţqabaleḍ tewser? Aṭas n imasiḥiyen i geţqabalen aṭas seg wuguren-agi ɣef tikkelt. Acu kan, neẓra belli ur neţɛeṭṭil ara a d-neţţusellek seg wuguren-agi meṛṛa.​—2Kur 4:16-18.

Ssya ar d-yaweḍ wass-nni, neţḥussu s ṣṣber imi neẓra belli Yahwa yefhem uguren-agi i neţqabal, yeţţak lqima i nnṣaḥa-nneɣ d ṣṣber-nneɣ yerna iwɛed-aɣ aṭas n lbaṛakat. (Irm 29:11, 12) Ɛisa daɣen yeţḥebbiṛ ɣef mkul yiwen deg-neɣ. Iwɛed-aɣ belli skud necɣel di leqdic-nneɣ amasiḥi, neţţa ad yili yid-neɣ. (Mt 28:20) M’ara neţmeyyiz ɣef tlelli i ɣ-yeţṛaǧun ddaw n leḥkem n Tgelda n Ṛebbi, nesseǧhad asirem-nneɣ akk-d lmeqsud-nneɣ akken a neṣber zdat n lemḥayen.​—Ṛum 8:19-21.

FEṚṚEǦ BIDYU YEŢŢUSEMMAN SKUD I LA D-TEŢQERRIB TBUCIḌANT, A NEZZI TAMUƔLI-NNEƔ ƔER ƐISA! LBAṚAKAT ARA D-TAWI TGELDA ƔER ZDAT, MBEƐD ǦAWEB-ED ƔEF YESTEQSIYEN-AGI:

• Amek i ssebɛden lɛibad iman-nsen ɣef Ṛebbi, yerna s wacu i d-yegla wayagi?

• D acu i geţṛaǧun lɛibad yeqqimen d unṣiḥen i Yahwa?

• S wacu ara d-yeḍru usirem-agi yetɛeddan?

• Acu-tent lbaṛakat i ɣ-yewɛed Ṛebbi di ddunit tajdiṭ i teţṛaǧuḍ s lḥir?