Neţɛici di ddunit anda i geţwaḥseb cceṛ d lxiṛ, lxiṛ d cceṛ. (Icɛ 5:20) Kra n lɛibad xeddmen leḥwayeǧ i gekṛeh Yahwa. Ɣef lemtel, llan kra sɛan tikli ur nwulem ara gar-asen, yeɛni argaz ɣer wergaz, neɣ tameṭṭut ɣer tmeṭṭut. Irfiqen n llakul neɣ imdanen nniḍen zemren ad awin ilmeẓyen-nneɣ ɛzizen deg yir abrid. Amek i tzemrem aţ-ţɛeggnem i warraw-nwen bac ad izmiren ad qablen lḥerṣ yecban wagi?

Sselmdet i dderya-nwen lumuṛ n Yahwa swayes ara izmiren ad ḥarben ɣef yiman-nsen. (Lw 18:3) Ciṭuḥ, ciṭuḥ, yerna ɛlaḥsab n leɛmeṛ-nsen, sselmdet-asen ayen i d-yeqqar Wedlis Iqedsen ɣef temsal icudden ɣer lǧeţţa-nsen (yeɛni leǧwareḥ n tarrawt), akken ur ten-ţkellixen ara imeqranen. (Asm 6:7) Steqsit iman-nwen: “Sselmadeɣ i dderya-w amek i gwulem a ten-ţnalen wiyaḍ d wamek i gwulem a ten-ssudunen? Amek i gwulem ad ţlusun llebsa yessṛen d wamek i gwulem ad ţqadaren wiyaḍ lḥeṛma-nsen? Ad izmiren ad ẓren d acu ara xedmen lukan a sen-d-yessken walbeɛḍ ayen akk icudden ɣer lɛaṛ s ţţeswiṛa, neɣ lukan a sen-d-yeḍleb walbeɛḍ ad xedmen leḥwayeǧ i gḥeṛṛem Yahwa?” M’ara nesselmad dderya-nneɣ ɣef temsal-agi, d aɛeggen i sen-neţɛeggin; yerna aselmed-agi ad iḥareb fell-asen ɣef waṭas n lehmum. (Lem 27:12; Amu 7:12) M’ara ten-tesselmadem ɣef temsal-agi, teţbegginem-d leḥmala i lweṛt i wen-d-yefka Yahwa.​—Ahl 127:3.

FEṚṚEǦ BIDYU YEŢŢUSEMMAN A NEBNUT AXXAM IǦEHDEN​—A NḤARBET ƔEF WARRAW-NNEƔ SI KRA YELLAN D “CCEṚ”, MBEƐD ǦAWEB-ED ƔEF YESTEQSIYEN-AGI:

• Acuɣer i ţkukrun kra n imawlan ad hedṛen d dderya-nsen ɣef temsal yeɛnan lǧeţţa-nsen, yeɛni leǧwareḥ n tarrawt?

• Acuɣer i glaq i imawlan ad ṛebbin dderya-nsen ‘s ţṛebga akk-d leqraya n Yahwa’?​—Fas 6:4

• D acu i d-thegga tuddsa n Yahwa i imawlan akken a ten-tɛiwen ad ṛebbin dderya-nsen di temsal yeɛnan leǧwareḥ n tarrawt?​—w19.05-F 12, tasenduqt

• Acuɣer i glaq aţ-ţheddṛem daymen d warraw-nwen uqbel a d-mmagren uguren?