Ass-agi, Yahwa yesbedd nniḍam deg wegdud-is iwakken ad yexdem lebɣi-s, akken i gexdem i wat Isṛayil zik-nni. Di ddunit kamel, ama d Bitilat, ama ţ-ţiɣalayin, ama ţ-ţijemmuyaɛ, ama ţ-ţirebbuyaɛ n uberreḥ, xeddmen irkelli jmiɛ akken ad yenfufed lexbaṛ n lxiṛ. Neţberriḥ i medden irkelli, ula d wid ur nheddeṛ ara tutlayt-nneɣ.​—Awe 14:6, 7.

Yella wasmi i d-yusa di lbal-ik aţ-ţḥefḍeḍ tutlayt nniḍen akken aţ-ţɛiwneḍ albeɛḍ ad yissin tideţ? Ma yella ur tessagreḍ ara lweqt akken aţ-ţḥefḍeḍ tutlayt nniḍen, tzemreḍ aţ-ţḥefḍeḍ kra n imeslayen swayes ara tberrḥeḍ s lluɣa nniḍen s ţţawil n JW Language. Mbeɛd, ɛreḍ aţ-ţessexdmeḍ deg uberreḥ imeslayen-agi ara d-tḥefḍeḍ w’aţ-ţwaliḍ: tzemreḍ aţ-ţḥusseḍ s lfeṛḥ swayes i ḥussen watmaten n lqern amezwaru, asmi i sen-slan lɣaci i d-yekkan si tmura nniḍen heddṛen ɣef ‘leɛǧayeb n Ṛebbi’ di tutlayin-nsen.​—Lcɣ 2:7-11.

FEṚṚEǦ BIDYU YEŢŢUSEMMAN UƔAL D AḤBIB N YAHWA: BERREḤ DI LLUƔA NNIḌEN, MBEƐD ǦAWEB-ED ƔEF YESTEQSIYEN-AGI:

• Melmi i tzemreḍ aţ-ţessexdmeḍ JW Language?

• Ssefhem-ed ciṭuḥ amek i teţwaxdem JW Language d wayen yellan deg-s.

• Acu n tutlayin i ţmeslayen lɣaci deg wemḍiq anda i teţberriḥeḍ?

• D acu i glaqen a t-txedmeḍ ma temmugreḍ-d albeɛḍ umi i geɛǧeb lexbaṛ n Tgelda, meɛna ur iheddeṛ ara lluɣa-inek?​—od-F 100-101 § 39-41