Camwil yeqqim d unṣiḥ i Yahwa tudert-is kamel. Asmi i gella d aqcic amecṭuḥ, ur yeǧǧi ara arraw n Ɛili, Ḥufni akk-d Finḥas, a t-ɣurren (1Cam 2:22-26). Skud yeţţimɣur, Yahwa yeţţili daymen yid-es (1Cam 3:19). Asmi i guɣal d amɣar, ikemmel leqdic-is i Yahwa s nnṣaḥa, ɣas akken arraw-is ur tbiɛen ara abrid-is (1Cam 8:1-5).

D acu i ɣ-yesselmad lemtel i ɣ-d-yeǧǧa Camwil? Ma d ilemẓi i telliḍ, tḥeqqeq belli Yahwa ifehhem akk cceddat i d-teţmagareḍ akk-d wayen i teţḥussuḍ. Yezmer a k-iɛiwen w’a k-d-yefk lkuṛaǧ (Icɛ 41:10, 13). Ma d ababat i telliḍ neɣ ţ-ţayemmaţ n walbeɛḍ i gessebɛden iman-is ɣef Yahwa, meyyez ɣef uxemmim-agi ara k-iṣebbren: Camwil ur yezmir ara ad iḥettem arraw-is yuɣalen d irgazen, ad ttabaɛen s nnṣaḥa lumuṛ n Ṛebbi. Yeqqim yeṣfa yerna yeǧǧa liḥala-yagi ger ifassen n Yahwa. D ayagi i t-iɛawnen akken ad yeṭṭef di leḥmala n Baba-s n igenwan. Ay imawlan, ahat ma teṭṭfem di tikli-nwen yeṣfan aţ-ţɛiwnem mmi-twen neɣ yelli-twen a d-yuɣal ɣer Yahwa.

FEṚṚEǦ BIDYU YEŢŢUSEMMAN QUE NOUS APPRENNENT-ILS ? : SAMUEL, MBEƐD ǦAWEB-ED ƔEF YESTEQSIYEN-AGI:

• Amek i d-ibeggen Camwil belli yesɛa lkuṛaǧ asmi i gella meẓẓi?

• Amek i d-ibeggen Danny belli yesɛa lkuṛaǧ?

• Acu n lemtel i d-yeǧǧa Camwil asmi i guɣal d amɣar?

• Acu n lemtel i d-ǧǧan imawlan-is i Danny?