ḤṚEC DI LEQDIC | SSEMƔER LFEṚḤ-IK M’ARA TEŢBERRIḤEḌ

Ɛiwen wid umi tesselmadeḍ Adlis Iqedsen ad ḥeddṛen i inejmuɛen

SEL S

Inejmuɛen sɛan azal ameqran di leɛbada yeṣfan (Ahl 22:23). Wid akk yeţnejmaɛen akken ad ɛebden Yahwa ţţafen lfeṛḥ yerna ţţubarken (Ahl 65:5). Wid ilemmden Adlis Iqedsen ţqeddimen s lemɣawla di tɣuri-nsen ma ḥeddṛen daymen i inejmuɛen.

Amek i tzemreḍ aţ-ţɛiwneḍ win umi i tesselmadeḍ Adlis Iqedsen akken ad iḥeddeṛ i inejmuɛen? Ţţeɛṛaḍ-it-id. Sɛeddi-yas-d bidyu Acu i geţwaxdamen di Tzeqqa n Tgelda? Hdeṛ-as daɣen ɣef lfaydat ara s-d-awin inejmuɛen (lff timeɣri tis 10). Tzemreḍ daɣen a s-thedṛeḍ ɣef kra n lḥaǧa i d-tlemdeḍ deg unejmuɛ neɣ ɣef kra n leḥwayeǧ ara nwali deg inejmuɛen i d-iteddun. Efk-as tizmamin i gwulmen neɣ ssken-as aḥric “inejmuɛen” di JW Library. Ini-yas daɣen belli tzemreḍ a t-tɛiwneḍ. Ahat yeḥwaǧ a t-id-tawiḍ s ṭṭumubil? Xemmem ɣer lfeṛḥ swayes ara tḥusseḍ axaṭer txedmeḍ ayagi meṛṛa asm’ara d-yas win i tesselmadeḍ ɣer unejmuɛ i tikkelt tamezwarut! (1Kur 14:24, 25).

FEṚṚEǦ BIDYU A NƐIWEN WID UMI I NESSELMAD ADLIS IQEDSEN AD ḤEDDṚEN I INEJMUƐEN, MBEƐD ǦAWEB-ED ƔEF YESTEQSIYEN-AGI:

Amek i tfureṣ Nina tagniţ akken a d-teɛreḍ Lǧuheṛ ɣer unejmuɛ?
Acuɣer i neţţaf lfeṛḥ m’ara iḥeddeṛ i inejmuɛen win i nesselmad?
‘D ṣṣeḥ, Ṛebbi yella gar-awen.’

D acu i twala Lǧuheṛ s yiman-is asmi i teḥdeṛ i unejmuɛ i tikkelt tamezwarut?