Acuɣer i glaq a sen-theddṛeḍ ɛinani i imawlan-ik ɣef wayen akk i teţxemmimeḍ? (Lem 23:26). Axaṭer d nutni i gwekkel Yahwa iwakken a d-lhin yid-ek yerna a k-wellhen (Ahl 127:3, 4). Ad yiwɛiṛ fell-asen ad xedmen ayagi ma tţeffreḍ fell-asen iɣeblan-ik d leḥwayeǧ i k-iceɣben. Yerna, ur d-tesfaydayeḍ ara seg wayen akk i jeṛṛben di tudert-nsen. Lameɛna, eɛni diri ma teţţaǧǧaḍ kra n leḥwayeǧ i yiman-ik kan? Xaṭi. Awi-d kan ur teţnadiḍ ara aţ-ţkellxeḍ wiyaḍ (Lem 3:32).

Amek ara txedmeḍ akken aţ-ţheddṛeḍ akk-d imawlan-ik? Xtiṛ lweqt ara isaɛden yal yiwen deg-wen. Ma yewɛeṛ fell-ak aţ-ţhedṛeḍ, tzemreḍ aţ-ţketbeḍ i yiwen seg-sen tabṛaţ akken a s-tessefhmeḍ d acu i teţḥussuḍ. D acu ara txedmeḍ ma bɣan ad hedṛen yid-ek ɣef kra n temsalt iɣef ur tebɣiḍ ara aţ-ţhedṛeḍ? Ur teţţu ara belli d lemɛawna i bɣan a k-ɛiwnen. Ilaq a ten-tḥesbeḍ d irfiqen, mačči d iɛdawen. Lmeǧhudat i txeddmeḍ akken a sen-teqqareḍ ayen yellan deg wul-ik a k-d-awin lbaṛakat tudert-ik kamel, yeɛni i lebda! (Lem 4:10-12).

FEṚṚEǦ BIDYU TUDERT-IW N ILEMẒI: AMEK I ZEMREƔ AD HEDDṚEƔ D IMAWLAN-IW?, MBEƐD ǦAWEB-ED ƔEF YESTEQSIYEN-AGI:

• D acu i d-nnan ɣef yiman-nsen Esther akk-d Partik?

• D acu i gezmer a k-yesselmed lemtel n Ɛisa?

• Amek i d-ţbegginen imawlan-ik belli ţḥebbiṛen fell-ak?

• D acu-ten imenzayen n Wedlis Iqedsen ara k-iɛiwnen akken aţ-ţheddṛeḍ i imawlan-ik?