Awal n Ṛebbi izmer ad ibeddel tudert-nneɣ (Ɛeb 4:12). Acu kan, akken a d-nesfaydi seg uwelleh-ines akk-d lewṣayat-is, ilaq a neţţuqenneɛ belli yella s ṣṣeḥ “d awal n Ṛebbi” (1Tis 2:13). Ihi, amek ara nesseǧhed liman-nneɣ deg Wedlis Iqedsen?

Qqar Adlis Iqedsen yal ass. M’ara teqqareḍ Adlis Iqedsen, ţnadi ţţbut i d-yesskanayen belli sɣur Yahwa i d-yekka. Ɣef lemtel, m’ara tessenqdeḍ lewṣayat yeččuṛen d lekyasa i neţţaf di tektabt n Lemtul, aţ-ţfiqeḍ belli nefɛent i mkul lweqt (Lem 13:20; 14:30).

Ssenqad Adlis Iqedsen s telqay. Neţţaf ţţbut belli Adlis Iqedsen yeţţuweḥḥa-d sɣur Ṛebbi. Ilaq aţ-ţissineḍ ţţbut-agi. Deg Wemsaɛef n tezmamin n Inagan n Yahwa, s tṛumit (Guide de recherche pour les Témoins de Jéhovah), xtiṛ asentel “La Bible” (“Adlis Iqedsen”), mbeɛd “Inspirée par Dieu” (“Yeţţuweḥḥa-d sɣur Ṛebbi”). Tzemreḍ daɣen aţ-ţeţţuqennɛeḍ belli lexbaṛ yellan deg Wedlis Iqedsen ur ibeddel ara m’ara tessenqdeḍ aḥric yeţţusemman “Appendice A3” n Wedlis Iqedsen, Ṭrejma n ddunit tajdiṭ, s tṛumit.

FEṚṚEǦ BIDYU ACUƔER I NESƐA LIMAN: DEG WAWAL N ṚEBBI, MBEƐD ǦAWEB-ED ƔEF YESTEQSIYEN-AGI:

• Amek i d-isbeggen yiwen rrṣem i yufan di lemqam n Kaṛnak, yellan di tmurt n Maṣer, belli Adlis Iqedsen iṣeḥḥa?

  Leǧwab-ik

• Amek i neẓra belli lexbaṛ yellan deg Wedlis Iqedsen ur ibeddel ara?

  Leǧwab-ik

• Adlis Iqedsen mazal-it ar ass-a. Amek i k-d-yesbeggen wayagi belli d Awal n Ṛebbi i gella? (ɣer-ed Icɛaya 40:8).

  Leǧwab-ik