TAMƐICT TAMASIḤIT
A nheggi iman-nneɣ si tura i weɣbel n ṣṣeḥḥa i nezmer a d-nemmager
Ayɣer i gesɛa azal? Mkul yiwen deg-neɣ yezmer a d-immager deg yiwet n teswiɛt aɣbel n ṣṣeḥḥa, neɣ ad ikcem ɣer ssbiṭar. Daymi i k-ilaq aţ-ţheggiḍ iman-ik si tura akken aţ-ţesfaydiḍ s ţţawilat yellan bac aţ-ţdawiḍ akken ilaq. Swakka a d-tesbeggneḍ belli teţqadareḍ tudert akk-d lameṛ n Yahwa yeɛnan idammen (Lcɣ 15:28, 29).
Amek ara theggiḍ iman-ik?
-
Ẓẓall yerna ɛemmeṛ akken ilaq lkarṭa yeţţusemman Instructions médicales/Désignation d’une personne de confiance (DPA) a. Aberraḥ yeţwaɣeḍṣen yezmer ad yeḍleb lkarṭa DPA i gma-tneɣ yesteklfen s tezmamin. Ɣef wayen yeɛnan dderya-s ur newwiḍ ara 18 n sna, ilaq-as ad yeḍleb lkaɣeḍ yeţţusemman Attestation individuelle (ic) akken a ţ-iɛemmeṛ i warraw-is.
-
Taberraḥt yellan s tadist, tezmer aţ-ţeḍleb i lecyux lkaɣeḍ yeţţusemman Informations pour les femmes enceintes (S-401). Lkaɣeḍ-agi a ţ-iɛiwen aţ-ţeṭṭef leqrar yelhan ma temmuger-ed aɣbel n ṣṣeḥḥa ama di lweqt ideg i tella s tadist ama m’ara d-terbu.
-
Ma teḥwaǧeḍ aţ-ţdawiḍ yerna a k-d-inin ṭṭebba belli zemren a k-rren idammen, neɣ ma teḥwaǧeḍ aţ-ţkecmeḍ ɣer ssbiṭar, xebbeṛ lecyux n tejmaɛt-ik kra n lweqt uqbel yerna sseɛlem wid i k-yeţdawin belli tebɣiḍ a d-yerzu fell-ak yiwen si lecyux n Inagan n Yahwa.
Amek i zemren a k-ɛiwnen lecyux n tejmaɛt? Lecyux zemren a k-ɛiwnen aţ-ţɛemmṛeḍ lkarṭa-k DPA. Meɛna, ur ţţaṭṭafen ara leqrar yeɛnan adawi deg wemkan-ik, yerna ur k-d-qqaren ayen i ţxemmimen nutni imi d lxetyaṛ i k-yeɛnan kečč (Ṛum 14:12; Gal 6:5). Ma tufiḍ-d iman-ik deg weɣbel n ṣṣeḥḥa ideg i zemren ṭṭebba a k-rren idammen, xebbeṛ lecyux. Nutni, ad ssiwlen s lemɣawla i terbaɛt yessemlalayen d ssbiṭarat (yeţţusemman s tṛumit CLH).
Amek i tezmer a k-tɛiwen tarbaɛt yessemlalayen d ssbiṭarat (CLH)? Atmaten n terbaɛt-agi lemden amek ara ssefhmen i ṭṭebba akk-d wid ixeddmen di ccṛeɛ d acu i ţxemmimen Inagan n Yahwa ɣef idammen. Zemren ad hedṛen i ṭṭbib-inek ɣef ţţawilat nniḍen n udawi ur nessexdam ara idammen. Ma teḥwaǧeḍ, zemren daɣen a k-ɛiwnen aţ-ţafeḍ ṭṭbib ara k-idawin mebla idammen.
FEṚṚEǦ BIDYU YEŢŢUSEMMAN COMMENT FAIRE DES CHOIX MÉDICAUX CONCERNANT LE SANG ?, MBEƐD ǦAWEB-ED ƔEF WESTEQSI-YAGI:
-
Amek ara k-tɛiwen bidyu-yagi akken aţ-ţiliḍ tweǧdeḍ di teswiɛt ideg i zemren ṭṭebba a k-rren idammen?
a Timeɣri tis 39 n tektabt Aţ-ţɛiceḍ i dayem! tezmer a k-tɛiwen di leqrarat ara teṭṭfeḍ di temsalt yeɛnan asexdem n idammen.
