TAMƐICT TAMASIḤIT
Ilaq a neţnadi a nissin mliḥ ixemmimen n Ṛebbi
Nebɣa a neɛǧeb i Yahwa deg wayen akk i nxeddem (Lem 27:11). Iwakken a nessiweḍ ɣer waya, ilaq a neṭṭef leqrar ɛlaḥsab n wayen i geḥseb Ṛebbi d lḥeqq, xas akken ulac lqanun ara d-yinin swaswa d acu i glaq a nexdem.
Ssenqad dima Adlis Iqedsen. Mkul m’ara nɣer Adlis Iqedsen, amzun nesɛedday lweqt akk-d Yahwa. M’ara neţţarra ddehn-nneɣ ɣer wamek i d-ilha Yahwa d wegdud-is akk-d m’ara neţmeyyiz ɣef lemtel n yemdanen i gxedmen ayen i geḥseb d lxiṛ neɣ d cceṛ, nezmer swakka a d-nelmed amek i geţxemmim Yahwa. Ma ilaq a neṭṭef ṛṛay, ṛṛuḥ iqedsen yezmer a ɣ-d-ismekti imenzayen neɣ leḥwayeǧ nniḍen i neḥfeḍ deg Wawal n Ṛebbi (Yn 14:26).
Ţnadi leǧwab ɣef yesteqsiyen-ik di tezmamin-nneɣ. Uqbel aţ-ţeṭṭfeḍ leqrar, steqsi-iman-ik: “D acu-ten yefyar neɣ teqsiḍin n Wedlis Iqedsen i gzemren a yi-ɛiwnen ad fehmeɣ amek i geţwali Yahwa tamsalt-agi?” Ẓẓall i Yahwa akken a k-iɛiwen, mbeɛd ssexdam ţţawilat n unadi yellan di tutlayt-inek akken aţ-ţafeḍ imenzayen yeɛnan liḥala-inek yerna a ten-tessexdmeḍ (Ahl 25:4).
FEṚṚEǦ BIDYU, NOUS DEVONS « COURIR AVEC ENDURANCE » : ALIMENTONS-NOUS SAINEMENT, MBEƐD ǦAWEB-ED ƔEF YESTEQSIYEN-AGI:
-
D acu-t lḥerṣ i gɛeddan ɣef weltma-tneɣ tilemẓit i nwala di bidyu?
-
Amek i tzemreḍ aţ-ţessexdmeḍ ţţawilat n unadi m’ara teţqabaleḍ lḥerṣ?
-
D acu n lfayda ara nesɛu m’ara neţţaṭṭaf lweqt bac a nessenqed Adlis Iqedsen w’a neţnadi di tezmamin-nneɣ ayen ara ɣ-iɛiwnen bac a neṭṭef leqrar yelhan? (Ɛeb 5:13, 14).
