Mkul aseggas, iqeddacen n Yahwa ḥaren ad ɛeggden lwaḥid ass n Wesmekti. Di smanat uqbel Asmekti akk-d mbeɛd Asmekti, neţfaraṣ yal tagniţ iwakken a ncekkeṛ Yahwa w’a nesteɛṛef s lefdiya i ɣ-d-yefka (Fas 1:3, 7). Ɣef lemtel, neţţeɛraḍ seg wul lɣaci iwakken ad ḥedṛen i wass n Wesmekti. Kra seg-neɣ zemren ad ɛezlen lweqt akken ad ilin d inaramen imɛawnen di lechuṛ n meɣres neɣ n yebrir. Zemren ad xtiṛen ad berrḥen 30 neɣ 50 n sswayeɛ. Tebɣiḍ aţ-ţqedceḍ akteṛ ɣef Yahwa di lweqt n Wesmekti? D acu ara k-iɛiwnen?

Nezmer a nexdem aṭas n leḥwayeǧ ma yella neţheggi-tent-id uqbel (Lem 21:5). Imi lweqt n Wesmekti iqerreb-ed mliḥ, ilaq a nheggi iman-nneɣ si tura. Xemmem ɣer wamek i tzemreḍ aţ-ţberrḥeḍ akteṛ di lweqt-agi yerna xdem ayen ilaqen bac aţ-ţessiwḍeḍ ɣer lmeqsudat-ik. Mbeɛd, ssuter i Yahwa ad ibarek lmeǧhudat-ik (1Yn 5:14, 15).

Tzemreḍ aţ-ţxemmeḍ ɣer wamek ara tberrḥeḍ akteṛ di lweqt n Wesmekti?