19-25 fuṛaṛ
IHELLILEN 8-10
Ccna wis 2 ţ-ţẓallit | Imeslayen n tazwara (1 dq.)
1. ‘A k-ḥemdeɣ a Yahwa’
(10 dq.)
Yahwa yelha mliḥ yid-neɣ (Ahl 8:4-7; w21.08-F 3 § 6).
Neţḥemmid Yahwa seg wul m’ara nheddeṛ i lɣaci ɣef leɛǧayeb-is (Ahl 9:2; w20.05-F 23 § 10).
Neţḥemmid-it daɣen m’ara ncennu seg wul (Ahl 9:3; w22.04-F 7 § 13).
STEQSI IMAN-IK: “Amek i zemreɣ daɣen ad ḥemdeɣ Yahwa?”
2. Tiwiztin n Wawal n Ṛebbi
(10 dq.)
-
Ahl 8:4: D acu i gebɣa a d-yini win yuran Ahellil-agi mi d-yehdeṛ ɣef ifassen n Ṛebbi? (it-1-F 663).
-
Di leqraya n smana-yagi, acu-tent twiztin n Wedlis Iqedsen i d-tufiḍ?
3. Leqraya n Wedlis Iqedsen
(4 dq.) Ahl 10:1-18 (th timeɣri tis 11)
4. Timlilit tamezwarut
(3 dq.) ABERREḤ SEG WEXXAM ƔER WEXXAM. Win ukud i theddṛeḍ a k-d-yini belli ur yeţţamen ara s Ṛebbi (lmd timeɣri tis 5 axemmim 4).
5. Timerziwt
(4 dq.) ABERREḤ IƔEF UR NEBNI. Tikkelt iɛeddan, win iɣef i terziḍ yenna-yak-d belli ur yeţţamen ara s Ṛebbi, meɛna yebɣa ad iẓer ma yella ţţbut i d-yesbegginen belli yella Uxellaq (th timeɣri tis 7).
6. Lxeṭba
(5 dq.) w21.06-F 6-7 § 15-18. Asentel-ines: A nɛiwen wid ukud i neqqar Adlis Iqedsen ad ḥemden Yahwa (th timeɣri tis 10).
Ccna wis 10
7. A nheddeṛ akken i nheddeṛ yal ass m’ara neţberriḥ di teswiɛt iɣef ur nebni
(10 dq.) Lxeṭba akk-d yesteqsiyen.
M’ara neţberriḥ i lɣaci i d-neţmagar yal ass yerna di mkul taswiɛt, neţḥemmid akteṛ Yahwa (Ahl 35:28). Di tazwara, nezmer ahat a nagad. Meɛna, m’ara neţnadi a nebdu lhedṛa d lɣaci, akken i nheddeṛ kul ass, ad yuɣal a ɣ-yeshil akteṛ yerna a naf lfeṛḥ!
Sɛeddi-d BIDYU A neţheggi iman-nneɣ i uberreḥ n ‘lexbaṛ n lxiṛ n lehna’: A nbeddu lhedṛa d lɣaci. Mbeɛd efk-ed asteqsi-yagi:
Deg wayen i twalaḍ di bidyu-yagi, d acu ara k-iɛiwnen akken a k-yishil akteṛ uberreḥ iɣef ur tebniḍ?
Kra n ixemmimen ara k-iɛiwnen aţ-ţebduḍ lhedṛa d walbeɛḍ:
-
Mkul m’ara teffɣeḍ ɣer beṛṛa, nadi tagniţ akken aţ-ţebduḍ lhedṛa d lɣaci. Ẓẓall i Yahwa ɣef temsalt-agi yerna ḍleb-as a k-iwelleh ɣer wid ara k-d-iḥessen.
-
Hdeṛ s leḥnana i win ara k-d-iḥessen yerna sbeggen-as-d belli teţḥebbiṛeḍ fell-as seg wul. Ḥess i wayen ara k-d-yini akken aţ-ţeẓreḍ anwa aselmed n Wedlis Iqedsen ara iḥazen ul-is.
-
Ma yella wamek, ḍleb-as ɣef lemtel nimṛu-ines n tilifun, yerna efk-as nimṛu-inek ula d kečč.
-
Ur ḥezzen ara ma tekfiḍ lhedṛa yid-es mebla ma temmeslayem ɣef tideţ.
-
Ceggeɛ-as yiwen n wafir n Wedlis Iqedsen neɣ kra n usebter yellan deg wesmel jw.org, akka a s-d-tesbeggneḍ belli teţxemmimeḍ fell-as yerna teţḥebbiṛeḍ fell-as seg wul.
Ɛreḍ aţ-ţxedmeḍ akkagi: Ma yenna-yak-d walbeɛḍ: “D acu i txedmeḍ taggara-yagi n dduṛt?”, hdeṛ-as ɣef wayen i k-iɛeǧben deg unejmuɛ neɣ hdeṛ-as ɣef leqdic-ik n uberreḥ.
8. Lmeḥwiǧat n tejmaɛt
(5 dq.)
9. Taɣuri n Wedlis Iqedsen di tejmaɛt
(30 dq.) bt ixf. 6 § 1-8 akk-d tazwart n weḥric wis 2
