ḤṚEC DI LEQDIC | SSEMƔER LFEṚḤ-IK M’ARA TEŢBERRIḤEḌ
Sbeggin-ed leḥnana
Win ḥninen d win i gzemren ad yeɛqel d acu i geţḥussu walbeɛḍ, d acu i geţxemmim, ayen yellan deg wul-is akk-d lmeḥwiǧat-is. Ṣṣifa-yagi tţekk-ed seg wul yerna yeshel a ţ-ɛeqlen wiyaḍ. M’ara d-nesbeggin leḥnana di leqdic-nneɣ n uberreḥ, nesbeggin-ed leḥmala akk-d lehhu n Yahwa, d ayagi i d-ijebbden lɣaci ɣur-es (Flb 2:4).
Leḥnana mačči kan d kra n ţţawil i nessexdam i uselmed. Leḥnana teţban-ed di tikli-nneɣ, di lehduṛ-nneɣ akk-d wamek i neţḥessis. Teţban-ed daɣen ɣef wudmawen-nneɣ d wamek i neţḥerrik lǧeţţa-nneɣ. Nebɣa a s-d-nbeggen s ṣṣeḥ i win umi i nheddeṛ belli yesɛa azal ɣur-neɣ. A neţţarra ddehn-nneɣ ɣer wayen i gḥemmel, ɣer wayen is i geţţamen akk-d liḥala-ines. Tzemreḍ a s-tefkeḍ lewṣayat akk-d lemɛawna i geḥwaǧ, mebla ma tḥettmeḍ-t ad ibeddel. M’ara yeqbel walbeɛḍ lemɛawna-nneɣ axaṭer iḥuss s leḥnana i s-d-nbeggen, ad yennerni lfeṛḥ-nneɣ.
FEṚṚEǦ BIDYU AKKEN A NAF LFEṚḤ M’ARA NEŢƐAWAN WIYAḌ AD UƔALEN D INELMADEN, ILAQ A NEḤṚEC AKTEṚ DEG USELMED: M’ARA D-NESBEGGIN LEḤNANA, MBEƐD ǦAWEB-ED ƔEF YESTEQSIYEN-AGI:
-
Amek i d-tbeggen Nina leḥnana i Lǧuheṛ ɣas akken ur d-tewwiḍ ara di lweqt?
-
Amek i d-tbeggen Nina leḥnana i Lǧuheṛ mi s-d-tenna belli ur tezmir ara aţ-ţkemmel leqraya-ines n Wedlis Iqedsen axaṭer tetqelleq bezzaf?
-
Leḥnana i d-neţbeggin tjebbed-ed lɣaci ɣer Yahwa.
Amek i d-tbeggen Nina leḥnana mi s-d-tenna Lǧuheṛ belli ulac d acu i gṣeggmen di tudert-is?
