Tira Iqedsen ţweṣṣint-aɣ akken a neţqadar imasiḥiyen meqqren am ibabaten ţ-ţyemmatin-nneɣ, ma d wid meẓẓiyen am watmaten ţ-ţyessetmatin-nneɣ (ɣer-ed 1 Timutawus 5:1, 2). Ilaq-asen abeɛda i watmaten a d-sbegginen leqder akk-d lḥeṛma i tyessetmatin.

Ur ilaq ara maḍi i umasiḥi a s-iţezzi i yiwet n weltma-tneɣ s yir tamuɣli, neɣ ad yexdem ayen akk i gzemren a ţ-iḥeccem (Yub 31:1). Gma-tneɣ ur nezwiǧ ara ur ilaq ara yakk ad yelɛeb s lḥisas n weltma-tneɣ ur nezwiǧ ara w’a ţ-yessimen belli teɛǧeb-as yerna yebɣa ad yezweǧ yid-es, neţţa di tin n ṣṣeḥ, ur yebɣi ara.

Ma yella yiwet n weltma-tneɣ testeqsa s leqder lecyux, neɣ tebɣa aţ-ţehdeṛ yid-sen ɣef kra n temsalt i d-yewwi ad ẓren, ilaq a s-ḥessen s leḥnana. Lecyux ţɛuzzun abeɛda tiyessetmatin ur nesɛi ara argaz ara iḥarben fell-asent (Rt 2:8, 9).

FEṚṚEǦ BIDYU BEGGNET-ED LEḤMALA YEŢDUMUN DI TEJMAƐT TAMASIḤIT​—I TUǦǦAL AKK-D IGUJILEN UR NESƐI ABABAT, MBEƐD ǦAWEB-ED ƔEF YESTEQSIYEN-AGI:

• Amek i d-tbeggen tejmaɛt tamasiḥit leḥmala yeţdumun i weltma-tneɣ Myint?

• Amek i d-tefka tinigit yelhan leḥmala i d-tbeggen tejmaɛt-agi i imezdaɣ n taddart?

• Acu n lateṛ i d-teǧǧa leḥmala n tejmaɛt-agi di yessi-s n weltma-tneɣ Myint?

Amek i tzemreḍ a d-tbeggneḍ s ṣṣeḥ belli teţɛuzzuḍ tiyessetmatin n tejmaɛt-ik?