Deg Wedlis Iqedsen neţţaf aṭas n teqsiḍin anda i d-iǧaweb Yahwa ɣef tẓilla n wid i gɛennan ɣur-es. Asmi i walan iqeddacen unṣiḥen n zik belli Yahwa yeţţarra-d ddehn-is ɣer wayen i ten-iceɣben, neɣ yeţɛawan-iten, d ayen i gesseǧhden mebla ccekk liman-nsen. Ɣef wayagi i glaq a nini swaswa i Yahwa ayen i neḥwaǧ di tẓilla-nneɣ yerna a nerr ddehn-nneɣ ɣer wamek i ɣ-d-iţǧawab. Meɛna, ur teţţu ara belli izmer lḥal leǧwab ara k-d-yefk, mačči d win i teţṛaǧuḍ neɣ izmer a k-d-yefk akteṛ n wayen akk i s-tessutreḍ (2Kur 12:7-9; Fas 3:20). M’ara neẓẓall i Yahwa, d acu i gezmer a ɣ-d-yefk?

• Lǧehd, ẓẓwara neɣ liman akken a nqabel cceddat (Flb 4:13).

• Lekyasa i glaqen akken a neṭṭef ṛṛay ilhan (Yeɛ 1:5).

• Lebɣi akk-d tezmert akken a necɣel (Flb 2:13).

• Lehna deg wul-nneɣ (Flb 4:6, 7).

• Lemɛawna ara d-yekken sɣur wiyaḍ, ama di leḥwayeǧ n cci ama s useǧhed ara ɣ-sseǧhden (1Yn 3:17, 18).

• Lemɛawna i wid iɣef i neţẓalla (Lcɣ 12:5, 11).

FEṚṚEǦ BIDYU “YAHWA YEŢḤESSIS-ED I TẒILLA”, MBEƐD ǦAWEB-ED ƔEF YESTEQSIYEN-AGI:

• Amek ayen i d-yeḥka gma-tneɣ Shimizu yezmer ad isseǧhed win ur nesɛi ara ṣṣeḥḥa?

• Amek i nezmer a nɛaned gma-tneɣ Shimizu?