Aṭas n lmeǧhudat i geţwaxedmen akken a ɣ-d-ţţunefken lemtul i gellan deg weḥric “Amek ara tberrḥeḍ”. Yerna, aṭas n iberraḥen i gufan belli lemtul-agi ṣelḥen deg wemḍiq anda i ţberriḥen. Meɛna, imi liḥalat n lɣaci mxallafent, m’ara neţberriḥ nezmer a nbeddel asteqsi, afir, akk-d westeqsi ara neǧǧ i tikkelt nniḍen, w’a nbeddel ula ţ-ţamsalt ɛlaḥsab n wayen i ţxemmimen lɣaci deg wemkan anda i neţberriḥ. Iban, m’ara yili yiwen uberreḥ amxalef, ilaq-aɣ a netbeɛ lewṣayat i ɣ-d-yeţţunefken. Neqsed a nexdem ccɣel i ɣ-d-yefka Ɛisa, yeɛni a nberreḥ lexbaṛ n lxiṛ n Tgelda (Mt 24:14).

Acu kan, m’ara ɣ-d-teţţunefk tmeskant, ilaq a nessexdem tamsalt iɣef i d-iheddeṛ weḥric “Amek ara tberrḥeḍ” n Tezmamt Tamɛict d leqdic (ɣef lemtel, di lechuṛ n yulyu d ɣuct, tamsalt iɣef ara d-nehdeṛ d “lmeqsud n Ṛebbi”). Lameɛna, m’ur d-yeţţunefk ara lexbaṛ nniḍen, nezmer a nextiṛ asteqsi, afir, neɣ asteqsi ara s-neǧǧ i tikkelt nniḍen akken i gwulem deg wemḍiq anda i neţberriḥ. Nezmer daɣen a nextiṛ liḥala ideg ara d-nqeddem tameskant. Lewṣaya-yagi aţ-ţuɣal deg wemkan n tin i gellan di Tezmamt Tamɛict d leqdic n yunyu 2020, asebter 8.