M’ara nesɛu lmeqsudat di leqdic n Ṛebbi, nessexdam akken ilaq lǧehd-nneɣ (1Kur 9:26). Lmeqsudat-agi ţɛawanen-aɣ daɣen akken a nessexdam akken ilaq lweqt i d-iqqimen uqbel taggara n ddunit-agi (Fas 5:15, 16). Di leɛbada n twacult, nezmer a nxemmem si tura ɣer lmeqsudat ara nesɛu i useggas i d-iteddun. Di tezmamt-agi Tamɛict d leqdic, a naf kra n yeḥricen ara ɣ-d-imeslayen ɣef kra n lmeqsudat iɣef i nezmer a nxemmem, yerna iɣef i nezmer a neẓẓall i Yahwa akken a nessiweḍ ɣur-sen (Yeɛ 1:5).

Ɣef lemtel, zemren iɛeggalen n twacult ad mɛawanen gar-asen iwakken ad yuɣal xerṣum yiwen seg-sen d anaram? Ma tugadeḍ ur tessawaḍeḍ ara aţ-ţberrḥeḍ sswayeɛ meṛṛa, hdeṛ akk-d inaramen i gellan di liḥala-inek (Lem 15:22). Tzemreḍ daɣen aţ-ţesteqsiḍ yiwen seg-sen di leɛbada-inek n twacult. Mbeɛd, tzemreḍ aţ-ţketbeḍ yiwen n wahil ara k-iṣelḥen. Ma telliḍ zik d anaram, umbeɛd tḥebseḍ, liḥala-k n tura teţsemmiḥ-ak aţ-ţuɣaleḍ ɣer leqdic-agi?

Zemren kra seg iɛeggalen n twacult-ik ad uɣalen d inaramen imɛawnen yiwen ccheṛ neɣ akteṛ? Ma ixuṣṣ-ik lǧehd, tzemreḍ ahat aţ-ţessiwḍeḍ ɣer lmeqsud-agi ma teţberriḥeḍ ciṭuḥ yal ass. Ma iwɛeṛ-ak aţ-ţberrḥeḍ di smana axaṭer d axeddam neɣ teqqareḍ di llakul, xtiṛ ccheṛ ideg ara d-tawiḍ ţţesriḥ neɣ ccheṛ i gesɛan smanat i geţfakkan xemsa iberdan s ssebt d lḥedd. Kteb kečč ţ-ţwacult-ik melmi i tqesdem aţ-ţilim d inaramen imɛawnen deg useggas akk-d wahil ara ken-iṣelḥen (Lem 21:5).

FEṚṚEǦ BIDYU ILIT D INARAMEN IẒEWREN, MBEƐD EFK-ED LEǦWAB I WESTEQSI-YAGI:

• Amek i d-isbeggen wayen i d-teḥka weltma-tneɣ Aamand belli Yahwa yeţḥadar mliḥ ɣef wid i sebblen tudert-nsen akken ad uɣalen d inaramen?