Yahwa yebɣa ad afent lfeṛḥ twaculin (Ahl 127:3-5; Amu 9:9; 11:9). Lameɛna, lḥerṣ n ddunit-agi akk-d lɣelṭat n iɛeggalen n twacult-nneɣ zemren aɣ-kksen lfeṛḥ-nneɣ. Ihi, d acu i gezmer ad yexdem yal yiwen deg-nneɣ akken ad yessegmu lfeṛḥ di twacult?

Argaz yeţţak lɛezz i tmeṭṭut-is (1Buṭ 3:7). Isɛedday lweqt yid-es. Ur yeţṛaǧu ara seg-s nnig n wayen i glaqen yerna yesteɛṛef s wayen akk i txeddem ɣef ddemma-s akk-d dderya-nsen (Kul 3:15). Yeqqar-as belli iḥemmel-iţ yerna yeţcekkiṛ-iţ (Lem 31:28, 31).

Tameṭṭut teţnadi amek i tezmer aţ-ţɛiwen argaz-is (Lem 31:12). Teţḍuɛ argaz-is yerna ţeddun afus deg ufus (Kul 3:18). Theddeṛ-as s leḥnana yerna theddeṛ fell-as i wiyaḍ s leqder (Lem 31:26).

Imawlan sɛeddayen lweqt d warraw-nsen (Asm 6:6, 7). Qqaren-asen belli ḥemmlen-ten (Mt 3:17). Ţṛebbin-ten s leḥmala akk-d lekyasa (Fas 6:4).

Dderya ţţaken lɛezz yerna ţţaɣen awal i imawlan-nsen (Lem 23:22). Qqaren-asen ayen i ţxemmimen, qebblen ţṛebga n imawlan-nsen yerna ţqadaren-ten (Lem 19:20).

FEṚṚEǦ BIDYU SSEGMUT LFEṚḤ DI TWACULT-NWEN, MBEƐD ǦAWEB-ED ƔEF WESTEQSI-YAGI:

D acu i gxeddem yal yiwen deg-sen akken ad yessegmu lfeṛḥ di twacult-is?